ایک اور ریکارڈ بابر اعظم کی دسترس میں آگیا

ویب ڈیسک

09th Jun, 2022. 07:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایک اور ریکارڈ بابر اعظم کی دسترس میں آگیا

ریکارڈز کے انبار لگانے والے پاکستانی کپتان بابر اعظم کی دسترس میں ایک اور ریکارڈ آگیا ہے۔

تفصیلات کے مطابق پاکستان کے کپتان بابر اعظم ون ڈے انٹرنیشنل میں دو بار لگاتار تین سنچریاں بنانے والے پہلے بلے باز بن گئے ہیں۔

انہوں نے یہ کارنامہ پاکستان اور ویسٹ انڈیز کے درمیان پہلے ون ڈے کے دوران انجام دیا جہاں نمبر 1 رینکنگ بلے باز نے ویسٹ انڈیز کی جانب سے دیے گئے 305 رنز کے تعاقب میں شاندار 103 رنز بنائے۔

بابر اعظم نے اوپنر امام الحق کے ساتھ 108 رنز کی شاندار شراکت قائم کی جنہوں نے 65 رنز بنائے، وکٹ کیپر بلے باز رضوان نے بھی 59 رنز بنا ئے۔

بابر اعظم نے اپنے ایک روزہ کیریئر کی 17ویں سنچری اسکور کی تاہم وہ بطور کپتان 1000 رنز بنانے والے تیز ترین کھلاڑی بھی بن گئے ہیں۔

واضح رہے کہ پاکستان اور ویسٹ انڈیز کے درمیان ون ڈے سیریز کے پہلے میچ میں پاکستان نے مہمان ٹیم کو 5 وکٹوں سے شکست دی۔

دونوں ٹیموں کے درمیان سیریز کا دوسرا مچ 10 جون کو کھیلا جائے گا۔