پاکستان کے سابق  فاسٹ بولر شعیب اختر پر امید ہیں کہ کوئی ان کا تیز ترین گیند پھینکنے کا ریکارڈ توڑ دے گا۔

تفصیلات کے مطابق شعیب اختر جنہوں نے 2011 میں اپنی ریٹائرمنٹ کا اعلان کیا تھا، نے 2003 میں ورلڈ کپ کے ایک میچ میں انگلینڈ کے خلاف ریکارڈ کی گئی سب سے تیز گیند 100.2 میل فی گھنٹہ (161.3 کلومیٹر فی گھنٹہ) کی رفتار سے پھینکی تھی۔

تیز ترین گیند کا سامنا نک نائٹ نے کیا، جب اس نے گیند کو دائرے میں اسکوائر لیگ فیلڈر کی طرف کھیلا۔

شعیب اختر نے کہا کہ مجھے امید ہے کہ کوئی میرا ریکارڈ توڑ دے گا جب ایسا ہوگا تو میں ذاتی طور پر اس کھلاڑی کو مبارکباد دوں گا۔

راولپنڈی میں پیدا ہونے والے اس تیز رفتار نے کہا کہ اس نے انجری کے عنصر کے باوجود تیز ترین گیند کرنے کا خطرہ مول لیا۔

یہ بھی پڑھیں: ویرات کوہلی کی مایوس کن کارکردگی،شعیب اختر کے مشورے

ان کا کہنا تھا کہ انجری کے خوف کے باوجود، میں نے یہ خطرہ مول لیا اور ریکارڈ بنایا اور تقریباً 20 سال گزر چکے ہیں اور یہ ریکارڈ ابھی تک برقرار ہے۔

شعیب اختر کے تبصرے انڈین پریمیئر لیگ میں کھیلنے والے عمران ملک کے اپنی تیز رفتاری سے بہت زیادہ توجہ حاصل کرنے کے بعد سامنے آئے ہیں۔

22 سالہ تیز گیند باز نے حال ہی میں دہلی کیپٹلز کے خلاف 157 کلومیٹر فی گھنٹہ کی رفتار سے گیند کی ئی تھی، جو جاری ایڈیشن کی اب تک کی سب سے تیز گیند ہے۔