الیکشن کمیشن ولوں آئی جی پنجاب دی تبدیلی دافیصلہ معطل

نيوز ڈیسک , بول نيوز

منگل - 9اکتوبر 2018, 12:52PM

  • 129
  • قومی
prev next

 

 

الیکشن کمیشن نے آئی جی پنجاب  طاہر خان نوں ہٹا کے امجد جاوید سلیمی نوں نواں آئی جی لان دا حکومتی فیصلہ معطل کر دتا۔

 تفصیلاں دے مطابق عام انتخابات 2018 دے موقع تے چاراں صوبیاں دے پولیس سربراہان نوں تبدیل کیتا گیا سی جیہدے تحت پنجاب وچ خدمتاں انجام دین والے گریڈ 22 دے افسر امجد جاوید سلیمی نوں آئی جی سندھ تعینات کیتا گیا سی تانجے الیکشن دے بعد امجد جاوید نوں ہٹا کے آئی جی پنجاب کلیم امام نوں آئی جی سندھ تعینات کیتا گیا۔

وفاقی حکومت نے پنجاب دے آئی جی پولیس طاہر خان نوں اک مہینے وچ دو دیہاڑیاں بعد ای تبدیل کردتا تے اوہناں دی تھاں تے سابق آئی جی سندھ امجد جاوید سلیمی نوں تعینات کیتا جیہدا نوٹی فیکیشن وی جاری کردتا گیا ۔

دوجے پاسے الیکشن کمیشن نے وفاقی حکومت دے ایس فیصلے نوں معطل کردتا اے۔

الیکشن کمیشن نے آئی جی پنجاب دا تبادلہ رکوان لئی سیکریٹری اسٹیبشلمنٹ نوں وی خط لکھ دتا اے۔

 

الیکشن کمیشن حکام دے مطابق ضمنی انتخاب دے باعث آئی جی دی تبدیلی نئیں ہوسکدی، آئی جی پنجاب دا تبادلہ کرکے الیکشن کمیشن دے حکم دی خلاف ورزی کیتی گئی۔

دوجیاں خبراں

Back to Top