بادشاہی مسجدتوں نعلین پاک دی چوری،جے آئی ٹی بنان داحکم

نيوز ڈیسک , بول نيوز

اتوار - 14اکتوبر 2018, 12:48PM

  • 138
  • عدالت
prev next

 

 

 سپریم  کورٹ نے بادشاہی مسجد لاہورتوں نعلین پاک دی چوری دے معاملے تےانکوائری لئی جے آئی ٹی بنان داحکم دے دتا جیہدے وچ آئی ایس آئی، آئی بی تےڈی جی پولیس دی سطح دے افسر شامل ہون گے۔

 تفصیلاں دے مطابق سپریم کورٹ لاہوررجسٹری وچ چیف جسٹس آف پاکستان میاں ثاقب نثار نے بادشاہی مسجد لاہورتون نعلین پاک چوری ہون دے خلاف کیس دی سماعت کیتی۔

سماعت دے دوران چیف جسٹس نے نعلین مبارک دی چوری توں متعلق محکمہ اوقاف دی رپورٹ مسترد کردے ہوئے معاملے دی انکوائری لئی جے آئی ٹی بنان دا حکم جاری کیتا تےجے آئی ٹی نوں واقعے دی جامع تحقیقاتی رپورٹ جمع کران دی ہدایت کر دتی۔

جسٹس ثاقب نثار نے سیکرٹری اوقاف توں برہمی دا اظہار کردے ہوئے ریمارکس دتے کہ اوہ رپورٹ توں مطمئن نئیں، ایہہ  صرف اپنے آپ نوں بچان دی اک کوشش اے،ایس توں  وڈھی دولت کیہ اے جیہدی تسیں حفاظت نئیں کرسکے ۔

چیف جسٹس نے کہیا کہ شرم دی گل اے کہ اسیں ایہنی مقدس شئے دی حفاظت نئیں کر سکے،ایس موقع تےوکیل محکمہ اوقاف نے دسیا کہ ہن تک 10 تحقیقات ہوئیاں نیں کجھ سامنے نئیں آیا۔

ایڈیشنل ایڈووکیٹ جنرل امتیاز کیفی نے عدالت نوں دسیا کہ نعلین مبارک دی چوری دے بارے وچ زائرین نے دسیااے۔

 واضح رہوئے کہ31جولائی2002وچ بادشاہی مسجد دی گیلری توں نعلین پاک چوری کیتے گئے سن پر16 ورھے لنگھ جان دے باوجود حکام نعلین پاک بر آمد نئیں کرواسکے نیں۔

تازہ ترین خبریں