جعلی بینک اکاؤنٹس کیس:انورمجیددی میڈیکل رپورٹ پیش

نيوز ڈیسک , بول نيوز

پیر - 24ستمبر 2018, 08:55AM

  • 338
  • عدالت
prev next

 

 

چیف جسس پاکستان نے جعلی بینک اکاؤنٹس کیس وچ گرفتار اومنی گروپ دے سربراہ انور مجید دی میڈیکل رپورٹس دا جائزہ لین دے بعد اوہناں نوں ہسپتال توں جیل منتقل کرن دا حکم دے دتا۔

سپریم کورٹ نے 17 ستمبر نوں انور مجید تے عبدالغنی مجید دے طبی معائنے توں متعلق ایف آئی اے دی درخواست اتے سماعت کیتی سی تے عدالت نے ملزمان دے طبی معائنے لئی سرجن جنرل پاکستان دی سربراہی وچ کمیٹی تشکیل دتی سی ۔

سپریم کورٹ میں پیر دے دیہاڑے جعلی بینک اکاؤنٹس دی سماعت دے دوران ایڈیشنل اٹارنی جنرل ولوں مذکورہ کیس وچ گرفتار اومنی گروپ دے سربراہ انور مجید تے اوہناں دے پتر اے جی مجید دی میڈیکل رپورٹس عدالت وچ جمع کران ۔

ایڈیشنل اٹارنی جنرل نے عدالت نوں دسیا کہ کمیٹی نے رپورٹ دے نال اپنی سفارشاں وی دتیاں نیں ، رپورٹ وچ آکھیا گیا اے کہ انور مجید پن چھان وچ جاسکدے نیں۔

 رپورٹ اتے چیف جسٹس پاکستان نے استفسار کیتا کہ وکیل دسن انور مجید نے سرجری کدوں کرائی اے ؟ جے سرجری کرانی اے تے کروا لین نئیں تے جیل گھل دیو ، دسیا جاوے انور مجید نے ہسپتال وچ رہنا اے یا جیل وچ؟

جسٹس ثاقب نثار نے کہیا کہ ہیومورائڈ بیماری تے کریم نال وی ٹھیک ہو جاندی اے ، انور مجید دا دل دا کوئی معاملہ تے ہے ای نئیں ۔

چیف جسٹس پاکستان نے سوال کیتا کہ کیہ انور مجید سرکاری پروہنے نیں؟ اوہناں نوں جیل وچ شفٹ کردیو ، ڈیڑھ مہینے توں موجاں لارکھیاں نیں۔

 اس پر اومنی گروپ کے وکیل نے بتایا کہ ساؤتھ سٹی اسپتال سے انور مجید کا آپریشن کروانا ہے، چیف جسٹس نے استفسار کیا کہ کیا ساؤتھ سٹی اسپتال ڈاکٹر عاصم کا تو نہیں؟ 

چیف جسٹس دے سوال اتے جناح ہسپتال دی ایڈمنسٹریٹر ڈاکٹر سیمی جمالی نے دسیا کہ نئیں ، ساؤتھ سٹی پرائیویٹ ہسپتال اے۔

جسٹس ثاقب نثار نے ریمارکس دتے کہ رپورٹ دے مطابق انور مجید صحت مند نیں۔

یاد روے کہ منی لانڈرنگ کیس وچ اومنی گروپ دے سربراہ تے آصف زرداری دے قریبی بیلی انور مجید تے اوہناں دے پتر عبدالغنی مجید نوں سپریم کورٹ توں گرفتار کیتا گیا سی۔

دوجیاں خبراں

Back to Top