روسی فٹبالرایگرآئیکن فیف نےانٹرنیشنل گیم نوں الوداع آکھ دتا

نيوز ڈیسک , بول نيوز

منگل - 2اکتوبر 2018, 08:23AM

  • 200
  • کھیڈاں
prev next

روسی فٹبال ٹیم دے گول کیپر کپتان ایگر آئیکن فیف نے انٹر نیشنل گیم نوں خیر باد آکھ دتا۔

تفصیلاں دے مطابق 32 ورھیاں دے گول کیپر ایگر آئیکن فیف نے 15 ورھیاں تیکر ملک دی نمائندگی دے بعد انٹرنیشنل فٹبال نال ناطہ توڑ لیتا ، روسی ٹیم ولوں اک سو گیارہ انٹرنیشنل میچ کھیڈے جیہدے وچ سپین دا میچ یادگار رئیا ، دو ورلڈ کپ کھیڈے تے دو ہزار 17 توں اپنی قومی ٹیم دی قیادت سانبھی۔

2018 دا اپنے ای ملک روس وچ ہون والے فٹبال ورلڈ کپ وچ اپنی ریٹائرمنٹ دا اعلان کردے ہوئے ایگر آئیکن فیف نے کہیا کہ ملک دی نمائندگی تے خاص طور اتے کپتانی اوہناں دے سپنے وچ وی نئیں سی۔

اوہناں نے آکھیا کہ ایس ورھے اپنی ای دھرتی تے کھیڈے گئے ورلڈکپ میچ وچ سپین دے خلاف اوہناں دی پرفارمنس شاندار سی جیہنوں اوہ کدھی نئیں بھلا سکدے ، اہم میچ وچ اوہناں نے پنلٹیز روکن دا کارنامہ وکھایا تے مین آف دی میچ دا ایوارڈ پایا سی۔

دوجیاں خبراں

Back to Top