100توں ودھ ائیرہوسٹس اتےپابندی لان تےغور

نيوز ڈیسک , بول نيوز

ہفتہ - 29ستمبر 2018, 12:28PM

  • 417
  • قومی
prev next

 

 

قومی ایئرلائن دی ایئرہوسٹس دے ٹورنٹو وچ پراسرار طور اتے لاپتہ ہون دے معاملے تے بیرون ملک جان والی پروازاں دے نال جان والیاں سو توں ودھ مشتبہ ائیرہوسٹسز تے پابندی عائد کرن دی تجویز اتے وچار کیتا جارئیا اے ۔

تفصیلاں دے مطابق پی آئی اے ایئر ہوسٹس فریحہ دے ٹورنٹو وچ سلپ ہون دے معاملے دے بعد 100 توں ودھ فضائی میزباناں نوں برطانیہ ، یورپ تے کینیڈا نہ گھلن اتے وچار کیتا جارئیا اے ۔

پی آئی اے دے جی ایم فلائٹ سروسز نے چیئرمین پی آئی اے سی ای او نوں لکھ دتا اے ۔

خط وچ فلائٹ سروسز ولوں سی ای او توں درخواست کیتی گئی اے کہ جعلی ڈگریاں دی حامل فضائی میزباناں نوں بیرون ملک جان والی پروازاں تے پابندی عائد کیتی جاوے۔

شعبہ فلائٹ سروسز نے خدشہ ظاہر کیتا اے کہ ایئر ہوسٹس فریحہ دے سلپ ہون دے بعد دوجے فضائی میزبان وی سلپ ہو سکدے نیں۔

خط وچ ہور آکھیا گیا کہ فریحہ دے سلپ ہون دے بعد پاکستان دی تے ادارے دی بدنامی ہوئی سی ، سو توں ودھ مبینہ جعلی ڈگریاں دی حامل فضائی میزباناں نے عدالتاں توں حکم امتناع حاصل کیتا ہویا اے۔

یاد روے 18 ستمبر نوں پی آئی اے دی فضائی میزبان کینیڈا اپڑن دے بعد پرسرار طور اتے لاپتہ ہوگئی سی ، تے پی آئی اے انتظامیہ نے کینیڈین پولیس نوں گمشدگی دی رپورٹ درج کرائی سی۔

فضائی میزبان دے پراسرار لاپتہ ہون تے پی آئی اے انتظامیہ نے واقعے دی تحقیقات دا حکم دتا سی۔

دوجیاں خبراں

Back to Top