انعام بٹ نےدوجی واری ورلڈبیچ ریسلنگ چیمپئن شپ جت لئی

نيوز ڈیسک , بول نيوز

پیر - 8اکتوبر 2018, 05:31AM

  • 382
  • کھیڈاں
prev next

 

 

ریسلر محمد انعام بٹ نے اوک وار فیر دیارغیر وچ کامیابی دے جھنڈے گاڑدے ہوئے پاکستان دا ناں روشن کردتا تے اپنے اعزاز دا کامیاب دفاع کردے ہوئے بیچ ورلڈ ریسلنگ چیمپئن شپ جت لئی۔

تفصیلاں دے مطابق ترکی وچ ہون والی دو روزہ ورلڈ چیمپئن شپ وچ انعام بٹ نے 6 ملکاں دے پہلواناں نوں واضح برتری دے نال شکست دتی، فائنل وچ انعام بٹ نے جارجیا دے پہلوان نوں مات دے کے اعزاز دا کامیاب دفاع کیتا تے پاکستان نوں اک وار فیر بیچ ریسلنگ دا عالمی چیمپئن بنادتا، اوہناں نے ایونٹ دی مائنس 94 کے جی کلاس دے فائنل وچ جارجیا دے پہلوان نوں 1-3 توں شکست دے کے گولڈ میڈل جتیا جدکہ جت دے بعد پاکستانی پہلوان نے اکھاڑے وچ قومی پرچم وی لہرایا۔

گولڈ میڈل جتن دے بعد انعام بٹ نے اپنے وڈیو بیان وچ آکھیا کہ اوہ ایس جت نوں اکھاڑے وچ تربیت لین والے اپنے ساتھی پہلواناں دے ناں کردا آں ، ورلڈ بیچ ریسلنگ چیمپین شپ وچ کامیابی تے اللہ دا جنھا شکر ادا کراں گھٹ اے ۔

یاد روے انعام بٹ نے ایونٹ وچ جارجیا توں پہلے ناروے ، پرتگال، رومانیہ، یوکرائن تے یونان دے پہلوان نوں وی شکست دتی سی۔

دوجیاں خبراں

Back to Top