سرکاری اداریاں دی نجکاری دا کوئی ارادہ نئیں ، وزیرخزانہ

نيوز ڈیسک , بول نيوز

پیر - 1اکتوبر 2018, 05:08AM

  • 276
  • کاروبار
prev next

وزیرخزانہ اسد عمر دا کہنا اے کہ تجربہ کار افراد  نوں لیا کےقومی اداریاں نوں  ملک  لئی منافع بخش ادارے بنایا جاوے گا۔

تفصیلاں دے مطابق وزیرخزانہ اسد عمردا کہنا اے کہ حکومت سرکاری اداریاں دی نجکاری دا کوئی ارادہ نئیں رکھدی۔اینھاں  نے کہیا کہ زرمبادلہ دے  ذخائرناکافی سن کیونکہ ملک دی کئی مالیاتی ضروریات پوری کرن  لئی ہر ماہ تقریباََ 2 ارب ڈالرخرچ ہوجاندے نیں۔

اسد عمر نے کہا کہ حکومت برآمدی مصنوعات وچ  وادھے لئی برآمدات وچ  وادھا، سرمایہ کاری دا فروغ تےملک وچ  صنعتی ترقی چاہندی اے۔وزیرخزانہ نے کہیا کہ ملکی معیشت وچ  غیریقینی صورت حال ایس ماہ دے وسط تیکر ختم ہوجاوے گی کیونکہ اقتصادی اصلاحات حکومت دی پہلی ترجیحات وچ  شامل اے۔

اینھاں نے کہیا کہ حال ای وچ  عالمی مالیاتی ادارے دی ایک ٹیم نے پاکستان دا دورہ کیتا اے تاہم ایس دا بیل آؤٹ پیکج  نال کوئی تعلق نئیں اے۔اسد عمر نے کہیا کہ درمیانی آمدنی والے لوکاں نوں  صحت تے تعلیم کارڈ فراہم کیتے جان گے تاکہ اینھاں نوں  سماجی تحفظ دے دائرے وچ  لیاکے معیاری سہولتاں دتیاں جان گئیاں

یاد روے کہ 18 ستمبر نوں  وزیرخزانہ اسد عمر دا کہنا سی کہ قرضے واپس کرن لئی نئیں قرضیاں تے سود دین لئی قرضے لے رئے نیں، سارےاقدامات دے نتائج آن وچ  تھوڑا ویلالگے گا۔

 

دوجیاں خبراں

Back to Top