رانامشہوددی گل نال فرق نئیں پوےگا،فوادچوہدری

نيوز ڈیسک , بول نيوز

منگل - 2اکتوبر 2018, 02:12PM

  • 14
  • حکومت
prev next

 

 

وفاقی وزیر اطلاعات فواد چوہدری نے ن لیگی رہنما رانا مشہود دے بیان دے ردعمل وچ آکھیا کہ اوہناں نوں کیہ پتا ، کیہ مذاکرات ہوئے،  رانا مشہود دیاں گلاں توں کسے نوں کوئی فرق نئیں پووے گا۔

اسلام آباد وچ وفاقی وزیر اطلاعات فواد چوہدری تے وفاقی وزیر برائے منصوبہ بندی خسرو بختیار نے پریس کانفرنس کیتی تے ن لیگی رہنما دے بیان تے ردعمل ظاہر وی کیتا۔

فواد چوہدری دا آکھنا سی کہ رانا مشہود نوں کیہ پتا کہ کیہ مذاکرات ہوئے؟ رانا مشہود توں زمیناں اتے قبضے توں متعلق پچھیا جاوے تے تھانیداراں تے پٹواریاں توں متعلق پچھیا جاوے،رانا مشہود دے کجھ وی آکھن نال کوئی فرق نئیں پووے گا۔

اوہناں دا آکھنا سی کہ اسحاق ڈار دی اثاثیاں دی نیلامی دا وڈا فیصلہ آیا اے ، حکومت اوہ ای کرے گی جو چوراں دے نال کیتا جاندا اے ، نان فائلرز نوں جائیداد تے گڈیاں دی سہولت باہرلےملک پاکستانیاں لئی نیں جدکہ نان فائلرز دے خلاف ایف بی آر نے کارروائی شروع کردتی اے۔

فواد چوہدری دا آکھنا سی کہ بجلی دیاں قیمتاں وچ وادھا نئیں کیتا جارئیا جدکہ ای سی سی اجلاس وچ بجلی دی قیمتاں نہ ودھان دا فیصلہ کیتا گیا اے ۔

دوجیاں خبراں

Back to Top