نوازشریف دی ضمانت،نیب داسپریم کورٹ توں رجوع دا فیصلہ

نيوز ڈیسک , بول نيوز

جمعرات - 4اکتوبر 2018, 04:27PM

  • 464
  • قومی
prev next

نیب نے ایون فیلڈ ریفرنس وچ نواز شریف، مریم نواز تے کیپٹن ریٹائرڈ صفدر دیاں ضمانتاں منسوخ کران لئی سپریم کورٹ توں رجوع کرن دا فیصلہ کیتا اے۔

تفصیلاں دے مطابق نیب نے ایون فیلڈ کیس وچ نواز شریف ، مریم صفدر تے کیپٹن ریٹائرڈ صفدر دی ضمانت منسوخی لئی تیاریاں شروع کردتیاں نیں ، ایس سلسلےوچ اسلام آباد ہائی کورٹ توں تفصیلی فیصلے دی تصدیق شدہ کاپی وی حاصل کرلئی گئی اے۔

ذرائع دا آکھنا اے کہ نیب ولوں اسلام آباد ہائی کورٹ دے فیصلے دے خلاف ایس ہفتے سپریم کورٹ وچ درخواست وچ دائر کیتے جان دا امکان اے ، ایس لئی نیب حکام نے اپنی قنونی ٹیم نوں ہدایت کیتی اے کہ ہائی کورٹ دے فیصلے وچ قنونی سقم نوں سامنے رکھ کے اپیل دائر کیتی جاوے تے اپنے موقف نوں درست ثابت کرن لئی بھرپور طریقے نال کیس لڑیا جاوے۔

احتساب عدالت نے ایس ورھے جولائی وچ ایون فیلڈ ریفرنس وچ نواز شریف نوں 10، مریم نواز نوں 7 جد کہ کیپٹن ریٹائرڈ صفدر نوں اک ورھے قید دی سزا سنائی سی۔ اسلام آباد ہائی کورٹ نے 19 ستمبر نوں تناں بندیاں دی ضمانت اتے رہائی دا حکم دتا سی۔

دوجیاں خبراں

Back to Top