احتساب عدالت،العزیزیہ سٹیل ریفرنس تےسماعت ملتوی

نيوز ڈیسک , بول نيوز

جمعرات - 11اکتوبر 2018, 06:36AM

  • 275
  • عدالت
prev next

 

 

احتساب عدالت وچ سابق وزیر اعظم نواز شریف دے خلاف العزیزیہ سٹیل ملز ریفرنس دی سماعت ہوئی۔ نواز شریف ولوں اج حاضری توں استثنیٰ دی درخواست دائر کیتی گئی جیہنوں منظور کرلیتا گیا۔

تفصیلاں دے مطابق احتساب عدالت وچ نواز شریف دے خلاف العزیزیہ سٹیل ملز ریفرنس دی سماعت ہوئی، جج محمد ارشد ملک نے ریفرنس دی سماعت کیتی۔

نواز شریف دے وکیل نے اج اوہناں دی حاضری توں استثنیٰ دی درخواست دائر کیتی جیہنوں عدالت نے منظور کرلیا ۔

نواز شریف دے وکیل خواجہ حارث ولوں ملزم دا بیان قلم بند کرن دی استدعا دی مخالفت کیتی گئی۔

اوہناں نے آکھیا کہ ریفرنسز دا فیصلہ اک نال ہونا اے تے اک ریفرنس وچ 342 دا بیان کیوں، جےفیصلہ علیحدہ علیحدہ کرنا اے تے ہور گل اے ۔ ایہدی کیہ وجہ اے کہ پراسیکیوشن پہلے اک ریفرنس نوں مکانا چاہندا اے ۔

پراسیکیوٹر نے آکھیا کہ نواز شریف دا بیان ریکارڈ کرن دی تریخ مقرر کردیاں، عدالت چاہوے تے دونویں ریفرنس وچ بیان ریکارڈ کرن دی تریخ رکھ دوے۔

 

عدالت نے فلیگ شپ ریفرنس تے واجد ضیا نوں کل طلب کردے ہوئے کہیا کہ استغاثہ کل العزیزیہ ریفرنس وچ حتمی ثبوت مکمل ہون توں دسیا جاوے۔

احتساب عدالت وچ العزیزیہ سٹیل ریفرنس اتے ہور سماعت کل تیکر ملتوی کردتی گئی۔

دوجیاں خبراں

Back to Top