ماڈل ٹاؤن فیصلہ سپریم کورٹ وچ چیلنج کراں گے،طاہرالقادری

نيوز ڈیسک , بول نيوز

بدھ - 26ستمبر 2018, 12:50PM

  • 283
  • سیاست
prev next

پاکستان عوامی تحریک دے سربراہ ڈاکٹر طاہرالقادری نے سانحہ ماڈل ٹاؤن دے حوالے نال لاہور ہائیکورٹ دے فل بینچ دے فیصلے نوں سپریم کورٹ وچ چیلنج کرن دا اعلان کیتا تے آکھیا کہ ملازم طلب کیتے گئے مالک نئیں۔

عدالتی فیصلے اتے سوال چکدے ہوئے ڈاکٹر طاہرالقادری نے آکھیا کہ کیہ 17 جون 2014 ء دے دیہاڑے انسان نئیں کیڑیاں نوں ماریا گیا سی تے پولیس دی دہشتگردی میڈیا دے ذریعے پوری دنیا نے ویکھی سی۔

اوہناں دا ہور آکھنا سی کہ سانحہ ماڈل ٹاؤن دے منصوبہ ساز طلب نئیں ہون گے تے انصاف دے تقاضے کیویں پورے ہون گے ۔

یاد روے کہ لاہور ہائیکورٹ دے فل بنچ نے سانحہ ماڈل ٹاؤن کیس وچ شریف برادران سنے 12 شخصیتاں نوں سدے جان دی درخواست رد کردتی۔

جسٹس محمد قاسم خان دی سربراہی وچ تن رکنی فل بنچ نے منہاج القرآن دے جواد حامد دی درخواست اتے محفوظ فیصلہ سنایا۔ عدالت نے سابق وزیراعظم نواز شریف، سابق وزیراعلیٰ پنجاب شہباز شریف، سابق وزیر قانون پنجاب رانا ثناءاللہ تے حمزہ شہباز دی طلبی دی درخواست رد کردتی۔

دوجیاں خبراں

Back to Top