ایشیاکپ:افغان ٹیم نےجاندےجاندےدل جت لیتے

نيوز ڈیسک , بول نيوز

بدھ - 26ستمبر 2018, 07:26AM

  • 419
  • کھیڈاں
prev next

ایشیا کپ 2018 وچ افغانستان نے شاندار کارکردگی دا مظاہرہ کردے ہوئے بھارت دے خلاف سپر فور دا اخیری میچ برابر کردتا۔ ایونٹ وچ اپنے اخیرلے میچ وچ جاندے جاندے افغان ٹیم نے شائقین دے دل جت لیتے۔

دبئی وچ کھیڈے گئے میچ وچ افغان بلے باز بھارت دے خلاف جم کر کھیڈے۔

اوپنر محمد شہزاد نے جارحانہ انداز اپنایا تے 116 گینداں اتے اک سو 24 رنز دی اننگز کھیڈ دتی جیہدے وچ 11 چوکے تے 7 چھکے وی شامل سن ، اوہناں نوں مین آف دی میچ دا ایوراڈ دتا گیا، محمد نبی نے وی ہمت نہ ہاری تے نصف سنچری سکور کیتی۔ وکٹاں چھیتی گوان دے باوجود افغان کرکٹ ٹیم مقررہ اوورز وچ 8 وکٹاں دے نقصان اتے دو سو 52 رنز بنا سکی۔

بھارت ولوں رویندرا جدیجا نے ساریاں توں ودھ 3 کھڈاریاں نوں پویلین دا رستہ وکھایا تے یادیو نے دو وکٹاں حاصل کیتیاں جدکہ احمد، چاہار تے جادیو نے اک اک کھڈاری نوں آﺅٹ کیتا۔

ہدف دے تعاقب وچ بھارتی اوپنرز نے چنگی شروعات کیتی پر چھیتی ای افغان ٹیم دے اسپنرز نے بھارتی بیٹسمیناں نوں قابو کرنا شروع کردتا، افغانستان ٹیم دے شاندار کم بیک نے بھارتیاں نوں حواس باختہ کردتا۔ اسپنرز دا جادو چل گیا تے اخیرلے اوور دی 5ویں گیند اتے روندرا جڈیجا اُچا شاٹ کھیڈدے ہوئے کیچ دے بیٹھے۔ ایس طراں افغانستان تے بھارت دا مقابلہ برابر رئیا۔ افغانستان ولوں محمد نبی تے آفتاب عالم نے دو جدکہ راشد خان تے جاوید احمدی نے اک اک کھڈاری نوں آؤٹ کیتا۔

دوجیاں خبراں

Back to Top