ہارس ٹریڈنگ داالزام،تیمورتالپورتوں تحریری جواب طلب

نيوز ڈیسک , بول نيوز

جمعرات - 4اکتوبر 2018, 07:11AM

  • 356
  • قومی
prev next

الیکشن کمیشن نے سینیٹ انتخابات وچ ہارس ٹریڈنگ دے الزام اتے رکن سندھ اسمبلی تیمور تالپور نوں تحریری جواب جمع کران دی  ہدایت کیتی اے۔

  تفصیلاں دے  مطابق الیکشن کمیشن وچ رکن سندھ اسمبلی تیمور تالپور ولوں سینیٹ الیکشن وچ ہارس ٹریڈنگ دے الزام توں متعلق کیس دی سماعت ہوئی ، رکن سندھ اسمبلی تیمور تالپور تے نواب یوسف تالپور الیکشن کمیشن دے سامنے پیش ہوئے۔

 چیف الیکشن کمشنر نے سماعت کردے ہوئے پی پی پی رکن اسمبلی توں مکالمہ کردے ہوئے آکھیا کہ بوہت ویلے توں گل چل رئی اے کہ سینیٹ انتخابات وچ ہارس ٹریڈنگ ہوئی اے ، اسیں تہانوں ایس لئی طلب کیتا اے کہ ہارس ٹریڈنگ دے ثبوت فراہم کرو۔

جیہدے تے تیمور تالپور دے وکیل نے آکھیا کہ ساڈے بیان نوں میڈیا نے غلط رنگ دتا، وکیل دا موقف سنن دے بعد چیف الیکشن کمشنر سردار رضا نے تیمور تالپور دے بیان دی ویڈیو کمرہ عدالت وچ چلان دی ہدایت کیتی۔

ویڈیو ویکھن دے بعد چیف الیکشن کمشنر نے تیمور تالپور نوں مخاطب کردے ہوئے کہیا کہ اینج تے نئیں کہ تہاڈے بیان دے بعد تہاڈی پارٹی نے چڑکیا ہووے ؟ یا پارٹی نے تہانوں آکھیا ہووے کہ تسیں ساڈے مفاد دے خلاف گل کیتی اے ۔ جیہدے تے رکن سندھ اسمبلی نے نفی وچ سر ہلایا، بعد وچ چیف الیکشن کمشنر نے تیمور تالپور نوں ہارس ٹریڈنگ توں متعلق تحریری جواب جمع کران دی ہدایت کردے ہوئے سماعت ملتوی کردتی۔

دوجیاں خبراں

Back to Top