حکومت دابجلی دیاں قیمتاں وچ وادھانہ کرن دافیصلہ

نيوز ڈیسک , بول نيوز

منگل - 2اکتوبر 2018, 02:16PM

  • 172
  • کاروبار
prev next

وفاقی وزیرِ خزانہ اسد عمر دی صدارت ہیٹھ اقتصادی رابطہ کمیٹی دے اجلاس وچ عوام اتے بجلی دیاں قیمتاں وچ وادھے دا بوجھ نہ پان دا فیصلہ کرلیتا گیا اے ۔

اسلام آباد وچ وزیر خزانہ اسد عمر دی صدارت وچ کابینہ دی اقتصادی رابطہ کمیٹی دا اجلاس ہویا جیہدے وچ بجلی دیاں قیمتاں نہ ودھان دا فیصلہ کیتا گیا ۔

اجلاس دے بعد وفاقی وزیر اطلاعات فواد چوہدری دے نال میڈیا نال گل بات کردے ہوئے فیڈرل منسٹر فار پلاننگ اینڈ ڈویلپمنٹ خسرو بختیار دا آکھنا سی کہ بجلی دیاں قیمتاں نہ ودھان دا فیصلہ کیتا گیا اے ، ایہدے علاوہ اجلاس وچ بجلی دے لائن لاسز وچ کمی لئی اہم فیصلیاں دی وی منظوری دتی گئی۔

اقتصادی رابطہ کمیٹی دے اجلاس وچ کے الیکٹرک دے مسئلیاں حل کرن لئی کمیٹی وی قائم کردتی گئی اے ، جیہدےوچ خزانہ تے پاور ڈویژن، وزارت پٹرولیم تے  آڈیٹر جنرل آف پاکستان دے حکام شامل ہون گے۔

ایہدے علاوہ اجلاس وچ پاکستان سٹیل ملز دے ملازماں نوں اگست دیاں تنخواہواں دی ادائیگی لئی فنڈز تے تمباکو لئی سیس دے نظرثانی شُدہ ریٹ دی منظوری دے دتی۔ 

دوجیاں خبراں

Back to Top