نیب نے سابق وی سی پنجاب یونیورسٹی نوں گرفتارکرلیا

نيوز ڈیسک , بول نيوز

جمعرات - 11اکتوبر 2018, 12:27PM

  • 464
  • عدالت
prev next

پنجاب یونیورسٹی دے سابق وائس چانسلر مجاہد کامران نوں قومی احتساب بیورو (نیب) نے حراست وچ لے لیتا اے۔

مجاہد کامران نے اج نیب دفتر لاہور وچ پیش ہوکے اپنا بیان ریکارڈ کرایا، جیہدے بعد نیب حکام نے اوہناں نوں حراست وچ لے لیتا اے ۔

نیب ذرائع دے مطابق ڈاکٹر مجاہد کامران اتے مبینہ طور تے یونیورسٹی وچ خلافِ ضابطہ 550 لوکاں دیاں بھرتیاں تے بے ضابطگیاں دا الزام اے، ایہدے علاوہ اوہناں اتےاپنی گھروالی شازیہ قریشی نوں غیرقنونی طور تے یونیورسٹی لاء کالج دی پرنسپل تعینات کرن، من پسند طالب علماں نوں وظیفے دین تے پیپرا رولز دی خلاف ورزی کردے ہوئے من پسند کنٹریکٹر نوں ٹھیکے دین ورگے وی الزام نیں۔

ڈاکٹڑ مجاہد کامران نوں کل احتساب عدالت وچ پیش کرکے اوہناں دا جسمانی ریمانڈ حاصل کیتا جاوے گا۔

دوجیاں خبراں

Back to Top