اومنی گروپ دے19اداریاں دےاکاؤنٹس منجمد

نيوز ڈیسک , بول نيوز

ہفتہ - 22ستمبر 2018, 01:25PM

  • 153
  • قومی
prev next

ایف آئی اے نے منی لانڈرنگ سکینڈل وچ اومنی گروپ دے 19 اداریاں دے بینک اکاؤنٹس منجمد کردتے نیں ۔

کراچی دے بینکنگ کورٹ وچ جعلی اکاؤنٹس توں متعلق ارباں روپیے دے منی لانڈرنگ سکینڈل دی تحقیقات وچ پیشرفت ہوئی اے، ایف آئی اے دی ہدایت تے اومنی گروپ دے 19 اداریاں دے بینک اکاؤنٹس منجمد کردتے گئے۔

رپورٹ دے مطابق ایہناں اداریاں دے بینک اکاؤئنٹس وچ 33کروڑ روپیے توں ودھ رقم مجود اے ، دوجے پاسے اومنی گروپ نے بینک اکاؤنٹس کھولن لئی عدالت توں رجوع وی کرلیتا اے ۔

اومنی گروپ دا مؤقف اے کہ وکھووکھ بینکاںوچ ساڈے اکاؤنٹس منجمد کردتے گئے نیں جدکہ مذکورہ اکاؤنٹس دا تعلق اداریاں دے مالی لین دین نال اے ، اومنی گروپ دی درخواست اتے عدالت نے ایف آئی اے تفتیشی افسر توں جواب منگ لیتا اے ، عدالت نے ایف آئی اے پراسیکیوٹر نوں وی نوٹس جاری کردتا اے ۔

جیہڑے اداریاں دے بینک اکاؤنٹس منجمد کیتے گئے نیں اوہناں وچ انصاری شوگرملز، چیمبرشوگرمل، ٹنڈوالہ یار شوگر ملز، سجاول اینگروفارمز، پاک ایتھنول، اومنی پولیمر پیکچر، اومنی پرائیویٹ لمیٹڈ، خوصکی شوگرملز، لار شوگر ملز، اومنی ایسوسی ایشن، دادو انرجی، شکارپور پاور، اومنی ویلفیئر فاؤنڈیشن وی شامل نیں۔

دوجیاں خبراں

Back to Top