کوئی روئےپِٹےاحتساب ضرورہووےگا،فوادچوہدری

نيوز ڈیسک , بول نيوز

پیر - 8اکتوبر 2018, 02:42PM

  • 227
  • قومی
prev next

 وفاقی وزیراطلاعات فواد چوہدری دا آکھنا اے کہ مِٹھا مِٹھا نئیں چلے گا ، کوئی روئے پِٹے احتساب ضرور ہووے گا۔

 اسلام آباد وچ میڈیا نال گل بات کردے ہوئے فواد چوہدری دا آکھنا سی کہ اسیں چوراں تے ڈاکوواں نوں پھڑاں گے ۔ جدوں چوراں تے ڈاکوواں نوں پھڑن دی گل کیتی جاندی اے ، اپوزیشن واک آئوٹ کر جاندی اے ۔

اوہناں نے آکھیا کہ ملک نوں مقروض کردتا گیا تگے کوئی ایہوجیا محکمہ نئیں جیہڑا اوہناں دے ہتھ توں محفوظ رئیا ہووے۔

فواد چوہدری نے آکھیا کہ ججاں نوں فون کرکے آکھن والے کہ فلاں ونں اینھی سزا دے دیو ، فلاں نوں اینھی سزا دے دیو ، اوہ آکھ رئے نیں کہ سیاسی انتقام دا نشانہ بنایا جارئیا اے۔

وزیر اطلاعات نے کہیا کہ کوئی روئے پٹے کارروائی ضرور ہووے گی۔ مٹھا مٹھا نئیں چلے گا۔ عوام نے تحریک انصاف نوں ایس لئی ووٹ دتا اے کہ احتساب برابر ہووے گا۔

اوہناں دا آکھنا سی کہ حکومت دا شہباز شریف دی گرفتاری نال کوئی تعلق نئیں اے ۔ شہباز شریف اتے مقدمہ نوازشریف دی حکومت وچ بنیا سی ۔ ایس طریقے نال باقی لوکی وی اندر جان گے ۔

 

فو اد چوہدری نے کہیا کہ فالودے والے دے اکاﺅنٹس توں ارباں روپیے نکل رئے نیں ، عوام نوں پتا نئیں ایہہ کیہہ ہورئیا اے ؟ ایہہ منی لانڈرنگ ہورئی اے۔ تحریک انصاف اک انقلابی پارٹی اے تے انقلابی پارٹی روے گی۔ تسیں شکر کرو کہ کجھ دیہاڑے ہور تہاڈا دال دلیا چل رئیا اے ۔

و فاقی وزیر اطلاعات نے آکھیا کہ جے نیب وزیر اعظم دے ہیٹھ ہوندا تے ایہہ لوکی ایتھے نہ ہوندے بلکہ ججاں دے کول عدالتاں وچ جاکے ریمانڈ بھگت رئے ہوندے۔

دوجیاں خبراں

Back to Top