فارق ستاردااین اے245دےنتائج چیلنج کرندااعلان

نيوز ڈیسک , بول نيوز

ہفتہ - 22ستمبر 2018, 12:20PM

  • 214
  • سیاست
prev next

ایم کیوایم دے رہنما فاروق ستار نے این اے 245 توں عامر لیاقت تے پاکستان تحریک انصاف دے عثمان ڈار نے این اے 73 سیالکوٹ توں خواجہ آصف دی کامیابی نوں چیلنج کردتا۔

کراچی وچ میڈیا نال گل بات کردے ہوئے ڈاکٹر فاروق ستار نے این اے 245 دے نتیجیاں نوں الیکشن ٹریبونل وچ چیلنج کرندا اعلان کردے ہوئے آکھیاکہ این اے 245 دے نتائج نوں  چیلنج کراں گا جیہدے وچ ثبوت تے گواہ وی پیش کراں گا۔

اوہناں نے آکھیا کہ امید اے الیکشن ٹریبونل وچ میری درخواست سنی جاوے گی تے فیصلہ میرے حق وچ آوےگا ۔

دوجے پاسے پاکستان تحریک انصاف دے رہنما عثمان ڈار نے این اے 73 سیالکوٹ توں خواجہ آصف دی کامیابی چیلنج کردتی۔

عثمان ڈار نے این اے 73 توں خواجہ آصف دی کامیابی نوں چیلنج کردے ہوئے الیکشن ٹریبونل وچ انتخابی عذرداری دائر کردتی اے جیہدے وچ مؤقف اختیار کیتا گیا اےکہ خواجہ آصف نے کاغذات نامزدگی وچ غیر تصدیق شدہ بیان حلفی جمع کرایا تے کاغذات وچ اثاثےلکائے۔

عثمان ڈار ولوں ہور موقف اپنایا گیا اے کہ الیکشن کمیشن دا عملہ الیکشن ایکٹ اتے عمل کرن وچ نکام رئیا ، 53 پولنگ اسٹیشنز دے پولنگ بیگز الیکشن دے اگلے دیہاڑے جمع کرائے گئے ، 1406 ووٹاں دے فرق دی وجہ توں فیر گنگی دا حکم دتا جانا چاہیدا اے ۔

واضح روےکہ عام انتخابات 2018 وچ پاکستان تحریک انصاف دے رہنما عثمان ڈار تے مسلم لیگ (ن) دے خواجہ آصف دے وچکار مقابلہ ہویا سی جیہدےوچ خواجہ آصف اک لکھ 16 ہزار توں ودھ ووٹ لے کے کامیاب ہوئے سن جدکہ عثمان ڈار نوں اک لکھ 15 ہزار توں ودھ ووٹ ملے سن۔

دوجیاں خبراں

Back to Top