العزیزیہ سٹیل مل ریفرنس دی سماعت پیرتیکرملتوی

نيوز ڈیسک , بول نيوز

بدھ - 19ستمبر 2018, 07:25AM

  • 389
  • عدالت
prev next

 سابق وزیر اعظم نواز شریف دے خلاف العزیزیہ اسٹیل مل ریفرنس دی سماعت پیر تیکر ملتوی کردتی گئی۔ سماعت وچ مشترکہ تحقیقاتی ٹیم (جے آئی ٹی) دے سربراہ واجد ضیا اتے جرح کیتی گئی۔

تفصیلاں دے مطابق احتساب عدالت وچ پابند سلاسل سابق وزیر اعظم نواز شریف دے خلاف العزیزیہ اسٹیل مل ریفرنس دی سماعت ہوئی۔

نواز شریف نوں اڈیالہ جیل توں سخت سیکیورٹی وچ احتساب عدالت اپڑایا گیا ، نواز شریف دے قافلے وچ موبائل جیمرز تے ایمبولینس شامل سن۔

سماعت دے دوران نیب پراسیکیوٹر تے نواز شریف دے وکیل خواجہ حارث دے وچکار گرما گرمی ہوگئی۔ جج ارشد ملک نے کہیا کہ طے ہویا سی خواجہ صاحب اج جرح ختم کرن گے، جیہدے اتے خواجہ حارث نے آکھیا کہ میں آکھیا سی کہ سارا دیہاڑا مل جاوے تے جرح ختم کرلواں گا ۔ ہائیکورٹ جانا اے جرح دے بجائے ایم ایل اے دی درخواست تے دلائل سن لین۔

جج نے کہیا کہ جرح دا اک طریقہ کار ہوندا اے اوہنوں مکنا چاہیدا اے ۔

نیب دے وکیل مظفر عباسی نے کہیا کہ کئی مہینیاں توں اک اک گواہ اتے جرح کررئے آں ، عدالت جرح غیر ضروری سمجھدی اے تے زبانی درخواست اتے حق ختم کر دوے، عدالت دے سامنے گزارشاں ارکھن تے ایہہ لڑدے نیں ۔

خواجہ حارث نے کہیا کہ روز اعتراض چکیا جاندا اے اج تن مہینے ہو گئے اج چھ مہینے ہو گئے ، عدالت دا ماحول تلخ ہون تے جج نے 10 منٹ دا وقفہ کردتا۔

وقفے دے بعد سماعت فیر شروع ہوئی تے خواجہ حارث نے مشترکہ تحقیقاتی ٹیم (جے آئی ٹی) دے سربراہ واجد ضیا اتے  جرح کیتی۔

خواجہ حارث نے دریافت کیتا کہ کیہ اپ ہینڈنگ تے ٹیکنگ اوور دی فہرست وکھا سکدے آں جیہدے اتے واجد ضیا نے ریکارڈ وچوں فہرست کڈھ کے وکھا دتی ۔ اوہناں نے آکھیا کہ دستاویزاں 24 جولائی 2017 توں پہلے سپریم کورٹ وچ جمع ہوئیاں۔

خواجہ حارث نے کہیا کہ والیم 9 تے 9 اے دی دستاویزاں وی تسیں پہلے جمع کرا چکے سوں ۔

خواجہ حارث نے کہیا کہ ایم ایل اے نوں عدالتی ریکارڈ دا حصہ بنان دی استدعا کیتی سی جیہدے تے عدالت نے دلائل دے بعد دستاویزاں دی فہرست نوں ریکارڈ دا حصہ بنا دتا۔

احتساب عدالت نے العزیزیہ سٹیل مل ریفرنس دی ہور سماعت پیر تیکر ملتوی کردتی ۔ اگلی سماعت اتےوی خواجہ حارث واجد ضیا تے جرح جاری رکھاں گے۔

پچھلی سماعت وچ نواز شریف دے وکیل خواجہ حارث نے کہیا سی کہ امیدا اے ہائیکورٹ وچ دلیلاں مکمل ہو جان گیاں ، کل کیس زیر سماعت ہون دی وجہ توں دلیلاں مکمل نئیں ہوسکیاں سی۔

بعد وچ احتساب عدالت دے باہر صحافیاں نال غیررسمی گل بات کردے ہوئے سابق وزیر اعظم نے کہیا کہ کل تیکر کلثوم نواز دی صحت لئی دعا کر رئے ساں ، اج اوہناں دی مغفرت دی دعا کررئے آں ۔

خواجہ حارث نے ایس توں پہلاں سماعت اتے مشترکہ تحقیقاتی ٹیم (جے آئی ٹی) دے سربراہ واجد ضیا توں سوال کیتا سی کہ اوہ آرڈر کتھے نیں جیہناں وچ والیم 10 سیل یا پیک نہ کرن دا حکم اے جیہدے تے نیب پراسیکیوٹر نے جواب دتا سی کہ والیم 10 نوں حاصل کرن لئی سپریم کورٹ وچ درخواست دینی چاہیدی سی۔

نیب پراسیکیوٹر دا آکھنا سی کہ ایس توں متعلق خواجہ حارث گواہ واجد ضیا توں سوال نئیں کر سکدے۔ اوہناں دا ہور آکھناسی کہ جدوں کاپیاں دتیاں گئیاں سی اوس ویلے والیم 10 لئی درخواست دے دیندے۔

دوجیاں خبراں

Back to Top