پاک بحریہ دے سربراہ کا اٹلی دا سرکاری دورہ

نيوز ڈیسک , بول نيوز

جمعرات - 27ستمبر 2018, 02:07PM

  • 204
  • دفاع/فوج
prev next

 

 

پاک بحریہ دے سربراہ ایڈمرل ظفر محمود عباسی  نے اٹلی دا سرکاری دورہ کیتا اے ۔ترجمان پاک بحریہ دے مطابق پاک بحریہ دے سربراہ ایڈمرل ظفر محمود عباسی نے اٹلی دے سرکاری دورے دے دوران اٹلی دی بحریہ دے سربراہ ایڈمرل والٹر گیرارڈیلی تے کمانڈر ان چیف اٹالین نیول فلیٹ ایڈمرل ڈونیٹو مارزانو نال ملاقاتاں کیتیاں۔دارالحکومت روم وچ اٹلی دے نیول ہیڈ کوارٹرز آمد تے اٹلی دی بحریہ دے سربراہ ایڈمرل والٹر گیرارڈیلی نے ایڈمرل ظفر محمود عباسی دا پر تپاک استقبال کیتا،ایس موقع تےنیول چیف نوں روایتی ملٹری اندازوچ سلامی پیش کیتی گئی۔بعد وچ ایڈمرل ظفر محمود عباسی تےایڈمرل والٹر گیرارڈیلی وچکار سانجھی دلچسپی دے امور بشمول دو طرفہ بحری اشتراک تےخیال دا تبادلہ کیتا گیا۔ملاقات وچ دونواں ملکاں دی بحری افواج  وچکار مختلف شعبہ جات وچ تعاون دے اُمور تے وی غور کیتا گیا۔نیول چیف نے دہشتگردی دے خلاف جنگ وچ پاکستان دے عزم تے کردار بشمول بحری قزاقی اور دہشتگردی دے خلاف ریجنل میری ٹائم سکیورٹی پٹرو ل دے قیام وچ پاکستان نیوی دے کردار تےروشنی پائی اے ۔ترجمان پاک بحریہ دے مطابق نیول چیف دا ایہہ دورہ بحری افواج وچکار بالخصوص بحری تعلقات وچ  فروغ دا باعث بنے گا۔

دوجیاں خبراں

Back to Top