مزن وزیرءَ آئی ایم ایفءَ چہ زوت گپءُ ترانءِ منظوری داتگ

نيوز ڈیسک , بول نيوز

منگل - 9اکتوبر 2018, 04:49AM

  • 269
  • سرکار
prev next

بنجائی سرکارءَ  آئی ایم ایف ءِ گورا روگ ءِ فیصلہ کتگ ءُ مزن وزیر ءَ زوت گپءُ تران ءِ منظوری ہم داتگ ۔

ھزانگءِ وزیر  اسد عمر ءِ گشگ انت کہ آئی ایم ایفءَ گوں گپءُ تران بنا کنگ بوہگءَ انت ۔

بنجائی وزیرءَ گشتگ کہ مزن وزیر عمران خان ءَ آئی ایم ایفءَ گوں زوت گپءُ تران ءِ منظوری داتگ ۔

جارانکءَ گشگ بوتگ کہ اولی رند نہ انت کہ سرکار آئی ایم ایف ءِ  پروگرام ءَ زورگءَ انت ، پاکستان 1990 ءَ پد  10 رندءَ  آئی ایم ایف پروگرام  زرتگ انت ۔

اے وھد ءَ  پاکستان ءِ کرنٹ اکاونٹ تاوان 2 ارب ڈالر ماہانہ انت، توانءِ تکءَ تاوان 1 ہزار ارب کلدار ءَ چہ گیش انت ایشیءِ درور ہچ جاہ ءَ نہ رسیت ۔

جارانکءِ ردا بدلی فنانس ایکٹ ہم اے جاورانی سببءَ دیما آرگءَ کپتگ وھدیکہ اسٹیٹ بینک ءَ پالیسی ریٹءَ گیشی مائیکرو اکنامک مہکم کتگ۔

ھزانگءِ وزارت ءِ جارانک ءِ ردا سرکار آئی یم ایف ءِپروگرام زورانءَ بنکی گہتری کاریت ، اے گہتریاں پد پدا آئی ایم ایف ءِ گورا روگءِ ضرورت نہ بیت۔

نوکتریں حال