چینی قرضیاں دے بھاردی وجہ توں پاکستان نوں آئی ایم ایف دےکول جانا پیااے،امریکی م

نيوز ڈیسک , بول نيوز

جمعه - 12اکتوبر 2018, 05:27AM

  • 411
  • بین الاقوامی
prev next

امریکی محکمہ خارجہ دی ترجمان ہیدر نویرٹ نے کہیا اے کہ چینی قرضیاں دے بھاردی وجہ توں پاکستان نوں آئی ایم ایف دےکول جانا پیا اے۔ پاکستان دی پوزیشن نوں ہرزاویے نال ویکھیا جاوے گا۔

واشنگٹن وچ پریس کانفرنس دے دوران امریکی محکمہ خارجہ دا کہنا سی کہ ممکن اے حکومتاں دا خیال ہووے کہ بیل آؤٹ لئی ایہہ قرض اتنا بوجھل نئیں ہووے گا پر ہن سخت تر ہونداجارہیااے۔

ہیدر نویرٹ نے کہیا کہ معاملےدا پاکستان دے موقف سنے سارے پہلووأں نال جائزہ لے رئے آں۔ ایہہ گل واضح نئیں کہ جے آئی ایف قرض دوے گا تے کن شرائط تے دوے گا تے جے ایہناں نوں عوام دے سامنے لیایا جاوے گا یا نئیں۔

دوجےپاسے آئی ایم ایف دی سربراہ کرسٹین لوگارڈ نے کہیا کہ قرضیاں دی شفافیت تے اہناں دا واضح کیتا جانا صرف پاکستان لئی اوہدا اطلاق سارےقرضہ منگن والے ملکاں اتےہوندااے تانجے قرضیاں دی پائیداری بارے نہ صرف اپنے رکن ملکاں دا اتفاق حاصل کیتا جا سکے بلکہ ایہہ گورننس تے کرپشن دے حوالیاں نال آئی ایم ایف بورڈ دے طے کردہ اصولاں دی وجہ توں اے جنھاں دا اطلاق کیتا جا رہیا اے۔

دوجیاں خبراں

Back to Top