وزیراعظم ہاﺅس وچ  بھینساں دی نیلامی شروع،2بھینسیاں فروخت

نيوز ڈیسک , بول نيوز

جمعرات - 27ستمبر 2018, 07:43AM

  • 211
  • رہن سہن تے تفریح
prev next

 

 

وزیراعظم عمران خان ولوں بچت سکیم دے تحت بھینساں دی نیلامی دا عمل شروع ہوچکیااے تےوزیراعظم ہاﺅس دی پہلی بھینس 3 لکھ 85 ہزار روپئے وچ نیلام ہوگئی اے ۔تفصیلات دے مطابق بھینساں دی نیلامی وچ  پہلی بھینس فروخت ہو گئی اے جیہڑی  جنگی سیداں دے قلب عباس نے خرید لئی اے۔ یاد رہوے کہ اک بھینس تقریبا 15 کلود ودھ دیندی اے۔تحریک انصاف نے کفایت شعاری مہم دے تحت غیر ضروری خرچیاں وچ  کمی لیان  دا اعلان کیتا سی  جیہدے  لئی پہلے مرحلے وچ وزیراعظم ہاؤس دے زیر استعمال لگژری تے عام گڈیاں دی نیلامی کیتی گئی تے دوجے مرحلے وچ بھینساں دی نیلامی کیتی جاریی اے۔وزیراعظم ہاؤس وچ موجود 8 بھینساں نوں  نیلامی لئی  پیش کیتا گیا تے خریداراں نے شکوہ کیتا کہ بھینساں دی ایہنی قیمت نئیں جنہی لائی جارئی اے۔بھینساں دی نیلامی دے دوران خریداراں تے بولی لان والے عملے وچکار نوک جھوک  ہوئی، وزیراعظم ہاؤس دے عملے نے کیہاایہہ اوپن بولی اے جنیہے  بھینسیاں  لینیاں  نیں لین ورنہ واپس چلا جاوئے، خریدار نوں نقد رقم وی ادا کرنا ہووئےگی۔مسلم لیگ (ن) دے دو کارکنان نے دو بھینسیاں بالترتیب 3 لکھ تے 3 لکھ 30 ہزار روپئے وچ خریداں، خریدار حاجی امداد علی دا کہینا سی کہ بھینسیا نواز شریف دی نشانی نیں تے اوہ اینہوں اپنے ڈیرے وچ رکھاں گے۔وزیراعظم عمران خان دے مشیر نعیم الحق دا 11 ستمبر نوں اپنے ٹوئٹر بیان وچ کہینا سی کہ وزیراعظم ہاؤس وچ موجود 8 بھینسیاں  سابق وزیراعظم نواز شریف نے اپنی غذائی ضروریات پوری کرن لئی رکھیاں سن جنہاں نوں نیلام کیتا جاوئے گا۔خیال رہوے کہ تحریک انصاف نے کفایت شعاری مہم دے تحت غیر ضروری خرچیاں وچ کمی لیان  دا اعلان کیتا سئ جیہدےلئ پہلے مرحلے وچ  وزیراعظم ہاﺅس دے زیر استعمال لگژری تے عام گڈیاں دی نیلامی کیتی گئی۔وزیراعظم ہاﺅس وچ موجودہ 8 بھینساں نوں بولیاں لان  لئی پیش کیتا گیااے تے خواہشمند خریداراں نے بولیاں لانا شروع کردتیاں

 

دوجیاں خبراں

Back to Top