جلال آباد:پاکستانی قونصل خانےنےکم شروع کردتا

نيوز ڈیسک , بول نيوز

پیر - 8اکتوبر 2018, 01:43PM

  • 492
  • بین الاقوامی
prev next

افغانستان دے شہر جلال آباد وچ قائم پاکستان دے قونصل خانے نے اج توں فیر کم شروع کردتا اے ۔

تفصیلاں دے مطابق جلال آباد وچ پاکستانی قونصل خانہ 40 دیہاڑیاں دی بندش دے بعد اج توں کھول دتا گیا اے تے ویزے نوں حاصل کرن لئی پہلے ای دیہاڑے لمیاں قطاراں لگ گئیاں نیں ۔ 30 اگست نوں بند کیتے گئے قونصل خانے نوں سیکیورٹی دی فراہمی دی ضمانت اتے فیر کھولیا گیا اے ۔

ترجمان دفتر خارجہ ڈاکٹر فیصل نے جلال آباد قونصل خانے دے فیر کھولن دی تصدیق کردے ہوئے دسیا کہ افغانستان حکومت دی ویانا کنونشن دے تحت سیکیورٹی تحفظ فراہم کرن دی یقین دہانی دے بعد اج جلال آباد وچ  پاکستان دے قونصل خان توں ویزیاں دے اجرا دی شروعات کردتی گئی اے۔

جلال آباد قونصل خانے نوں افغانستان دے صوبے ننگرہار دے گورنر حیات اللہ حیات دی بغیر وجہ دی  مداخلت، عدم تحفظ تے ویانا کنونشن 1963 دی سخت خلاف ورزی تے بند کیتا گیا سی۔ پاکستانی سفارت خانے نے بین الاقوامی معاہدیاں دے تحت پاکستانی قونصل خانے نوں حاصل سفارتی مراعات دی پاسداری دا مطالبہ کیتا سی۔

دوجیاں خبراں

Back to Top