قنون نوں جاگیرسمجھن والےنویں پاکستان داہدف نیں، وزیرمملکت داخلہ

نيوز ڈیسک , بول نيوز

بدھ - 26ستمبر 2018, 01:00PM

  • 466
  • حکومت
prev next

وزیرمملکت برائے داخلہ شہریارآفریدی نے آکھیا اے کہ قنون نوں جاگیر سمجھن والے نویں پاکستان دا پہلا ہدف نیں ۔

اسلام آباد وچ پریس کانفرنس کردے ہوئے شہریار آفریدی نے کہیا کہ اوہ اسلام آباد وچ جاری اینٹی انکروچمنٹ کارروائیاں نوں خود مانیٹر کررئے نیں جدکہ سٹیک ہولڈرز دے نال نال وزیراعظم عمران خان وی ایہناں کارروائیاں نوں مانیٹر کررئے نیں۔

اوہناں نے آکھیا کہ کجھ بندیاں نوں اسلام آباد نوں قبضے وچ لے رکھیا سی ، کجھ لوکاں دے ذہن وچ سی کہ اوہناں نوں کوئی ہتھ نئیں لاسکدا ۔ اسیں ساریاں توں پہلے اوہناں لوکاں اتے ہتھ پاواں گے ، جیہڑے ریاست نوں اپنی جاگیر سمجھدے نیں ، ہن ایہہ سلسلہ نئیں چلے گا۔

وزیر مملکت برائے داخلہ دا ہور آکھنا سی کہ تجاوزاں دے خلاف جاری کارروائیاں‌ تے وزیر اعظم سنے سارے اعلیٰ عہدے داراں دی نظر اے، قبضہ مافیا ہن قنون دی گرفت توں نئیں بچ سکن گے۔

دوجیاں خبراں

Back to Top