چیف جسٹس نے سارےپنجاب دیاں پرائیوٹ یونیورسیٹیز دا ازخود نوٹس لے لیا

نيوز ڈیسک , بول نيوز

ہفتہ - 29ستمبر 2018, 08:07AM

  • 274
  • عدالت
prev next

چیف جسٹس آف پاکستان میاں ثاقب نثار نے پنجاب دیاں پرائیوٹ یونیورسٹیز بارے از خود نوٹس لے لیا اے۔

 

تفصیلاں دے مطابق چیف جسٹس نے ایڈووکیٹ جنرل پنجاب نوں آ کہیا اے کہ اوہ ساریاں  یونیورسٹیاں دی تعداد اینھاں دے نال ملحقہ کالجاں دی تفصیلاں  پیش کرن۔ 

 

چیف جسٹس نے کہیا اے کہ یونیورسٹیاں کدوں توں کم کر رئیاں  نیں تے فیس کیہ  لیندیاں نیں۔ تے جناں  یونیورسٹیاں نے خلاف قانون کمپیس کھولا یا الحاق کیتا، اینھاں دے خلاف فوجداری مقدمے درج کیتے جان گے۔چیف جسٹسں نے ایہہ نوٹس یونیورسٹی آف ساؤتھ ایشیا دے ملحق کالج دے طلبہ نوں ڈگری نہ ملن تے لیا۔

 

ہائر ایجوکیشن کمیشن دے اعلیٰ حکام دے مطابق بغیر اجازت یونیورسٹی آف ساؤتھ ایشیا نے کالجاں دے نال  الحاق کیتا۔صرف ڈگری دا کاغذ نئیں ادارے وچ  اساتذہ دا ہونا وی ضروری اے ورنہ ڈگری کاغذ دا اک ٹکڑا اے۔

 

چیف جسٹس ثاقب نثار نے ریمارکس وچ ‌کہیا کہ ویکھدا واں کہ کیہڑااینھاں دی ضمانت لیندااے، لوگاں دے نال فراڈ کر رئے نیں،تعلیم دا بیڑا غرق کر دتا اے۔ 

دوجیاں خبراں

Back to Top