سپیکرقومی اسمبلی نےشہبازشریف دےپروڈکشن آرڈر جاری کردتے

نيوز ڈیسک , بول نيوز

بدھ - 10اکتوبر 2018, 01:16PM

  • 481
  • قومی
prev next

سپیکر قومی اسمبلی اسد قیصر نے اجلاس وچ شرکت لئی شہباز شریف دے پروڈکشن آرڈر جاری کر دتے۔

تفصیلاں دے مطابق قومی اسمبلی دے سپیکر نے نیب دے ہتھوں گرفتار مسلم لیگ ن دے شہباز شریف دے پروڈکشن آرڈر جاری کر دتے جیہدے بعد اوہ ہن 17 اکتوبر دے اجلاس وچ رلت کرسکن گے ۔

  نیب نے آشیانہ اقبال ہاؤسنگ سکیم کیس وچ سابق وزیراعلیٰ پنجاب شہبازشریف نوں گرفتار کر رکھیا اے تے اوہ جسمانی ریمانڈ تے نیب دی تحویل وچ نیں۔

مسلم لیگ (ن) نے شہبازشریف دی گرفتاری دے بعد قومی اسمبلی دا اجلاس بلان لئی سپیکر قومی اسمبلی اسد قیصر دے گھر جاکے اوہناں نوں ریکوزیشن جمع کرائی سی تے اپوزیشن لیڈر دے پروڈکشن آرڈر جاری کرن دا وی مطالبہ کیتا گیا سی ۔

سپیکر قومی اسمبلی نے ایہہ فیصلہ کارروائی تے طریقہ کار دے تحت کیتا، قواعد دے تحت سپیکر کسے وی حراست وچ رکن اسمبلی نوں اجلاس وچ سد سکدا اے ۔

ذرائع دا آکھنا اے کہ سپیکر قومی اسمبلی اسد قیصر دے پروڈکشن آرڈر جاری کرن دے بعد شہباز شریف قومی اسمبلی دے خصوصی اجلاس وچ رلت کرسکن گے جیہڑا 17 اکتوبر نوں سدیا گیا اے ۔

دوجیاں خبراں

Back to Top