سندھ حکومت ولوں فیصل رضاعابدی دی گرفتاری دی اجازت

نيوز ڈیسک , بول نيوز

جمعه - 28ستمبر 2018, 04:12PM

  • 192
  • حکومت
prev next

سندھ حکومت نے اسلام آباد پولیس نوں سابق سینیٹر فیصل رضا عابدی دی گرفتاری دی اجازت دیندے ہوئے تحریری حکم نامہ جاری کردتا۔

تفصیلاں دے مطابق سندھ حکومت نے اسلام آباد توں کراچی آن والی پولیس ٹیم نوں سابق سینیٹر فیصل رضا عابدی دی گرفتاری دا تحریری حکم نامہ جاری کردتا۔

محکمہ داخلہ ولوں جاری ہون والے اجازت نامے وچ کراچی پولیس نوں وفاقی دارالحکومت توں آئی ٹیم دی معاونت فراہم کرن دا حکم وی جاری کیتا گیا اے ۔

فیصل رضا عابدی دی گرفتاری لئی دو دیہاڑے پہلاں اسلام آباد توں ٹیم کراچی اپڑی سی تانجے سندھ حکومت ولوں اجازت نامہ جاری نئیں کیتا گیا سی۔

یاد روے کہ فیصل رضا عابدی نے چیف جسٹس آف پاکستان جسٹس میاں ثاقب نثار دے خلاف نازیبا الفاظ بولے سن جیہدے اتے اوہناں دے خلاف 21 ستمبر نوں  انسداد دہشت گردی دی دفعات دے تحت مقدمہ درج کیتا گیا سی۔

اسلام آباد دے تھانہ سیکٹریٹریٹ وچ مقدمہ سپریم کورٹ دی مدعیت وچ درج کیتا گیا سی۔ پولیس دا آکھنا سی کہ فیصل رضا عابدی نے اک ٹی وی پروگرام وچ چیف جسٹس دے خلاف نازیبا الفاظ استعمال کیتے سن۔ ایف آئی آر وچ مذکورہ پروگرام دے اینکر دا ناں وی درج کیتا گیا اے تے اوہدے خلاف وی کارروائی کیتی جاوے گی۔

فیصل رضا عابدی سن 2009 توں 2013 تیکر پی پی دے سینیٹر رئے۔ ایس دوران اوہ کئی قائمہ کمیٹیاں دے رکن وی رئے۔

دوجیاں خبراں

Back to Top