حکومت ووٹاں دی نئیں دھاندلی دی پیداواراے،شہبازشریف

نيوز ڈیسک , بول نيوز

پیر - 24ستمبر 2018, 01:29PM

  • 202
  • سیاست
prev next

قومی اسمبلی وچ قائد حزب اختلاف شہباز شریف دا آکھنا اے کہ حکومت ووٹاں دی نئیں دھاندلی دی پیداوار اے۔

قومی اسمبلی وچ وچاراں دا اظہار کردے ہوئے اپوزیشن لیڈر شہبازشریف نے کہیا کہ حکومت ولوں انتخابی دھاندلی دی تحقیقات لئی کمیشن دے قیام دا خیرمقدم کردے آں ، امید اےکہ کمیشن نتیجیاں اتے اپڑ کے رپورٹ پیش کرے گا تے حکومت توں وی امید کردے آں کہ ایس کمیشن دی رپورٹ نوں چھیتی توں چھیتی مکمل کرکے ایوان تے قوم دے سامنے لیاوے گی ۔

اوہناں نے آکھیا کہ اسیں جمہوریت نوں وادھا دین تے ایہدی شمع جلائے رکھن لئی اسمبلی وچ آئے آں، یقین دواندا آں کہ حزب اختلاف ایس معاملے وچ حقائق دی لو وچ بھرواں تعاون کرے گی ۔ کسے وی ملک دی طاقت اوہدی معاشی حالت نال جڑی ہوندی اے، انتہائی اعتماد نال آکھدا آں کہ 2013 وچ (ن) لیگ دی حکومت نے نواز شریف دی قیادت وچ حکومت نوں ملن والے دہشتگردی تے بدترین لوڈشیڈنگ ورگے چیلنجز نوں شکست دتی، ملک دی خوشحالی نال جڑے منصوبیاں نوں مکمل کیتا ، ملک دی تریخ وچ زراعت دا ساریاں توں وڈٓا پیکج (ن) لیگ نے دتا جیہدے وچ ارباں روپیے دی کھاد دی سبسڈی، بجلی نال چلن والی ٹیوب ویلز اتے ساڈھے 5 روپیے اک یونٹ سبسڈی وی شامل اے۔

دوجیاں خبراں

Back to Top