سپریم کورٹ ولوں ڈیم فنڈداناں بدلن دی منظوری

نيوز ڈیسک , بول نيوز

پیر - 24ستمبر 2018, 10:56AM

  • 339
  • عدالت
prev next

سپریم کورٹ نے دیامر بھاشا تے مہمند ڈیم فنڈ دا ناں بدلن دی منظوری دے دتی اے۔

 سپریم کورٹ وچ دیامر بھاشا تے مہمند ڈیم دے فنڈ توں متعلق معاملے دی سماعت ہوئی۔ عدالت نے دیامر بھاشا تے مہمند ڈیم فنڈ دے ناں اتے نظرثانی کردے ہوئے اوہنوں نوں بدلن دی منظوری دے دتی ۔

عدالت عظمیٰ دے 4 رکنی بینچ نے حکومت ولوں دیامر بھاشا تے مہمند ڈیم فنڈ دا ناں بدل کے حکومت دے تجویز کردہ ٹائٹل ’پی ایم سی جے فنڈ‘ (پرائم منسٹر، چیف جسٹس فنڈ) رکھن دی منظوری دے دتی۔

ایس موقع تے چیف جسٹس نے ریمارکس دتے کہ ڈیم فنڈ وچ جیہڑا شامل ہونا چاہندا اے ، اوہنوں اسیں جی آیاں نوں آکھاں گے ۔ وزیراعظم دا اک مقام اے، ڈیم فنڈ وچ چیف جسٹس دا ناں ہونا ضروری نئیں، ڈیم فنڈ دے ناں وچ چیف جسٹس نئیں بلکہ سپریم کورٹ دا ناں آنا چاہیدا اے۔

یاد روے کہ دیامر بھاشا تے مہمند ڈیم دی تعمیر لئی سپریم کورٹ نے فنڈ قائم کیتا اے جیہدے وچ فنڈریزنگ دا سلسلہ جاری اے جد کہ وزیراعظم عمران خان نے وی قوم تے ملک توں باہر پاکستانیاں توں ایہدے وچ ودھ توں ودھ حصہ لین دی اپیل کیتی اے ۔

دوجیاں خبراں

Back to Top