آئی سی سی ون ڈے رینکنگ جاری: افغانستان دے راشد خان نمبر ون آل راؤنڈر بن گئے

نيوز ڈیسک , بول نيوز

اتوار - 30ستمبر 2018, 07:39AM

  • 317
  • کھیڈاں
prev next

 

انٹرنیشنل کرکٹ کونسل نے ون ڈے کھڈایاوں دی نویں رینکنگ جاری کردتی جیہدے مطابق افغانستان دے راشد خان نمبر ون آل راؤنڈر بن گئے۔ون ڈے انٹر نیشنل رینکنگ وچ بیٹنگ تے بولنگ دے شعبیاں تے بھارت دا قبضہ اے، بیٹنگ وچ  ویرات کوہلی تے بولنگ وچ جسپرت بھمبرا پہلی پوزیشن تے براجمان نیں۔ودھیا بلے بازاں دی فہرست وچ  ابتدائی 10 بلے بازاں وچ پاکستان دے صرف بابراعظم شامل نیں جنہاں دی رینکنگ وچ  4 درجے تنزلی ہوئی تے اوہ چھٹی پوزیشن تے موجود نیں۔قومی ٹیم دے نوجوان اوپننگ بلے باز امام الحق 15 درجے بہتری دے نال رینکنگ وچ27ویں نمبر تے آگئے جد کہ فخر زمان فہرست وچ 19ویں پوزیشن تے موجود نیں۔بولنگ دے شعبے وچ ابتدائی 10 ودھیا بولرز وچ پاکستان دے حسن علی دا 6واں نمبر اے، پہلی پوزیشن تے بھارت دے جسپرت بھمبرا، افغانستان دے راشد خان دوجی پوزیشن، کلدیپ یادیو تیجی، نیوزی لینڈ دے ٹرینڈ بولٹ چوتھی تےآسٹریلیا دےجوش ہیزلی ووڈ پنچویں پوزیشن تےموجود نیں۔

افغانستان دے راشد خان نے بنگلادیش دے شکیب الحسن توں نمبر ون آل راؤنڈر پوزیشن کھوہ لئی، راشد خان 353 پوائنٹس دے نال سرفہرست نیں۔ودھیا آل راؤنڈر دی فہرست وچ  بنگلادیش دے شکیب الحسن دوجی، افغانستان دے محمد نبی تیجی، نیوزی لینڈ دے مچل سینٹنر چوتھی تے قومی ٹیم دے محمد حفیظ پنچویں پوزیشن تےموجود نیں۔

 

دوجیاں خبراں

Back to Top