بھارت وچ بارشاں نال تباہی،25بندےہلاک

نيوز ڈیسک , بول نيوز

منگل - 25ستمبر 2018, 08:33AM

  • 86
  • بین الاقوامی
prev next

 

 

بھارت دی شمالی ریاستاں وچ شدید بارشاں نے تباہی مچادتی، ہماچل پردیش سنے وکھووکھ ریاستاں وچ سیلاب تے لینڈسلائیڈنگ دے نتیجے وچ 25بندے ہلاک ہو گئے۔

ہماچل پردیش، بھارتی پنجاب، ہریانہ تے مقبوضہ کشمیر وچ بارشاں دا سلسلہ جاری اے ، بارشاں تے لینڈ سلائیڈنگ دی وجہ توں ہماچل پردیش وچ سیکڑاں سڑکاں ٹریفک لئی بند ہوگئیاں نیں۔

دریاواں وچ پانی دی سطح خطرناک حد تیکر اپڑ گئی اے ، دریا دے کنڈھے بنے ہوئے کئی گھر پانی دے تیز بہاؤ دی وجہ توں رُڑ گئے نیں ، پنجاب تے ہماچل پردیش وچ ریڈ الرٹ جاری کر دتے گئے نیں، دوناں ریاستاں دے متاثرہ علاقیاں وچ سکول بند نیں۔

بھارتی ریاست ہماچل پردیش وچ تیز بارشاں دے بعد سیلابی صورتحال دی وجہ توں منالی وچ سیاحاں دی بس بیاس دریا وچ بنن والے سیلابی ریلے وچ رُڑ گئی۔ چنگے نصیبے نال کوئی جانی نقصان نئیں ہویا۔

دوجیاں خبراں

Back to Top