قطرولوں1لکھ پاکستانیاں لئی ملازمت دی پیشکش

نيوز ڈیسک , بول نيوز

بدھ - 26ستمبر 2018, 06:15AM

  • 38
  • حکومت
prev next

قطری وزیر خارجہ محمد بن عبدالرحٰمن نے پاکستانی ہم منصب شاہ محمود قریشی نال ملاقات دے دوران پاکستان دے اک لکھ ہنر مند افراد نوں ملازمتاں دین دی پیشکش کر دتی۔

تفصیلاں دے مطابق اقوام متحدہ دی جنرل اسمبلی وچ شرکت لئی امریکی شہر نیو یارک وچ مجود پاکستانی وزیر خارجہ شاہ محمود قریشی نال قطری ہم منصب محمد بن عبد الرحمٰن نے ملاقات کیتی، ملاقات دے دوران وزراء خارجہ دے وچکار آپس دے تعلقات تے تعاون نوں وادھا دین اتے اتفاق ہویا۔

 

قطری وزیر خارجہ محمد بن عبد الرحمٰن نے شاہ محمود قریشی نال ملاقات دے دوران خارجہ امور تے گل بات کردے ہوئے پاکستانی ورکرز نوں اک لکھ ملازمتاں دین دی پیش کش کیتی۔

یاد روے کہ اک دیہاڑے پہلاں پاکستانی وزیر خارجہ شاہ محمود قریشی نے کویتی نائب وزیر اعظم نال ملاقات وچ آکھیا سی کہ پاکستان کویت نال بھراواں تعلقات نوں بوہت اہمیت دیندا اے ، دونویں ملک خطے دی ترقی تے  استحکام اتے ایکوجیا نقطہ نظر رکھدے نیں۔

دوجیاں خبراں

Back to Top