فالودہ فروش دے اکاؤنٹ وچ رقم منتقلی دی تحقیقات وچ اہم پیشرفت

نيوز ڈیسک , بول نيوز

اتوار - 30ستمبر 2018, 02:48PM

  • 82
  • قومی
prev next

 

 

فالودہ فروش دے اکاؤنٹ وچ سوا 2 ارب روپئے دی منتقلی دی تحقیقات وچ اہم پیشرفت ہوئی اے تےایف آئی اے نے اکاؤنٹ منجمد کر کے نجی بینک دے 5 افسراں نوں بینک سرکل وچ سد لیا اے۔ذرائع  ایف آئی اے دے مطابق فالودہ فروش عبدالقادر دا اکاؤنٹ منجمد کر دتا گیااے جد کہ اکاؤنٹ کھلوان  تے رقم منتقلی دی  کلے کلے تفتیش دا فیصلہ وی کیتا گیا اے۔جدکہ اکاؤنٹ دی عدالتی جےآئی ٹی تے ایف آئی اے  کلے کلے تحقیقات کرے گی۔

ذرائع نے دسیا کہ بینک اکاؤنٹ کھولن تے نجی بینک دے 5 افسراں نوں بینک سرکل وچ سد لیا اے جد کہ عبدالقادر دے ناں تے جعلی اکاؤنٹ کھولن تے بینک افسراں دے خلاف مقدمہ درج ہووئےگا۔ذرائع دے مطابق حکام نے قنونی ماہراں توں رائے طلب کرلئی اے کہ رقم منتقلی تے منی لانڈرنگ دا مقدمہ کیہدے تے ہووئےگا۔یاد رہوے کہ  پچھلے دیہاڑ کراچی دے علاقے اورنگی ٹاون دے رہائشی تے فالودہ شربت ویچن  والے عبدالقادر نامی شہری دے اکاؤنٹ وچ سوا دو ارب روپئے دی موجودگی دا انکشاف ہویا سی۔ذرائع دے مطابق اکاؤنٹ 2014 تے2015دے دوران آپریشنل رہیا تے ایسے دوران رقم آئی جد کہ ایہہ رقم اک بزنس گروپ دی اے۔ذرائع ہور دسد ے نیں کہ پاکستان وچ وڈھے بزنس گروپ ٹیکس بچان لئی اینج دے اکاؤنٹس کھولدے نیں جنہاں نوں ٹریڈ اکاؤنٹس کہیاجاندا اے تے جیہدے ناں تے کھولیا جاندااے، ایہنوں رقم وی دتی جاندی اے۔شہری قادر دے اکاونٹ وچ  رقم 2014 تے 2015 دے دوران آئی، ایس سلسلے وچ اسٹیٹ بینک دے فنانشل مانیٹرنگ یونٹ نے اک ایس ٹی آر یعنی مشکوک ترسیلات دی رپورٹ 2016 دے آخیر وچ  ایف آئی اے نوں بھیجی سی۔2016دے آخیر وچ  بھیجی گئی ایس ٹی آر تے ایف آئی اے نے شہری نون سد لیا تے تفصیلاں حاصل کیتیاں۔ذرائع نے دسیا کہ جیہڑے بزنس گروپ نے شہری دے ناں تےاکاؤنٹ کھولیا، ادیہدے عہدیداراں نوں وی سد  لیا گیا اے۔ذرائع دے مطابق ایس طرح دے اکاؤنٹس صرف پاکستان وچ  ا ی کھولے جاندے نیں، دنیا دے دوجےحصیاں وچ  اینج دی کوئی مثال موجود نئیں۔

دوجیاں خبراں

Back to Top