وزیراعظم نےکلین اینڈگرین پاکستان مہم داافتتاح کردتا

نيوز ڈیسک , بول نيوز

ہفتہ - 13اکتوبر 2018, 12:19PM

  • 150
  • حکومت
prev next

وزیر اعظم عمران خان نے کلین اینڈ گرین پاکستان مہم دا باقاعدہ آغاز کردتا اے ، جیہدی شروعات وزیراعظم نے اسلام آباد دے تعلیمی ادارے وچ پودا لا کے کیتا ۔

وزیراعظم عمران خان نے جھاڑو لاؤ صفائی مہم دا وی آغاز کیتا ، ایس موقعے تے وزیراعظم دے نال سکول دے بچیاں دی وڈی تعداد وی مجود سی تے صفائی کرن وچ مصروف وکھائی دتی۔

وزیراعظم عمران خان نے پودا لان دے بعد طالب علماں نال گل بات کردے ہوئے آکھیا کہ سارے بچیاں نوں پتا اے کہ درختاں دی پاکستان نوں کنھی لوڑ اے گلوبل وارمنگ توں متاثر ملکاں وچ پاکستان دا 7واں نمبر اے ۔

عمران خان دا آکھنا سی کہ درخت ودھن نال زمین دے ہیٹھ پانی سطح ودھے گی ، دنیا دا درجہ حرارت ودھ رئیا اے ، درخت بوہت ضروری نیں ، درخت لاؤ تانجے پاکستان نوں ہرا بھرا بنایا جاسکے۔

وزیراعظم عمران خان نے کلین اینڈگرین پاکستان مہم دی تقریب توں خطاب کردے ہوئے آکھیا کہ کلین اینڈگرین پاکستان مہم دی شروعات اتے ساریاں نوں مبارکباد دیندا آں ۔

تازہ ترین خبریں