ن لیگ دا رانا مشہوددےبیان نال کوئی واسطہ نئیں

نيوز ڈیسک , بول نيوز

منگل - 2اکتوبر 2018, 02:59PM

  • 266
  • سیاست
prev next

پاکستان مسلم لیگ نواز نے اپنے سابق صوبائی وزیر رانا مشہود دے بیان توں لاتعلقی دا اظہار کردے ہوئے اوہنوں رد کردتا اے ۔

رانا مشہود دے بیان تے مسلم لیگ (ن) دی ترجمان مریم اورنگزیب دا آکھنا اے کہ رانا مشہود دا بیان اوہناں دی ذاتی رائے اے جیہدا مسلم لیگ نواز تے اوہدی قیادت نال کوئی تعلق نئیں اے۔

اوہناں نے آکھیا کہ رانا مشہود دا بیان قابل حیرت تے تعجب دی وجہ اے ، تے اوہناں نوں بیان اتے جواب منگیا جارئیا اے۔

واضح روے کہ رانا مشہود نے حکومت ولوں اشارہ کردے ہوئے آکھیا سی کہ جیویں پی ٹی آئی نوں اکثریت دتی گئی ایہہ ساری دنیا نوں پتا اے تے ہن ایہہ سوچ پیدا ہورئی اے کہ ایہہ لوکی ڈلیور نئیں کر پائے تے ایہہ وی احساس ہورئیا اے کہ انتخابات وچ جو ہویا غلط ہویا۔

پنجاب وچ تحریک انصاف دے کول معمولی اکثریت اے تے جیہڑے لوکاں نے اکثریت دتی اے اوہناں نال گل بات ہوندی رہندی اے ، اوی پرانے دوست تے بیلی نیں تے ہن اوتھے چینج آف ہارٹ ویکھن وچ آرئی اے۔

دوجیاں خبراں

Back to Top