وفاقی وزیراطلاعات نال امریکی قائم مقام ناظم الامور  دی ملاقات

نيوز ڈیسک , بول نيوز

منگل - 2اکتوبر 2018, 05:31PM

  • 156
  • حکومت
prev next

وفاقی وزیر اطلاعات تے نشریات فواد چوہدری نال امریکی قائم مقام ناظم الامور پال جونز نے ملاقات کیتی اے ۔

ملاقات وچ فواد چوہدری نے پاکستان تے امریکہ دے وچکار ثقافتی شعبے وچ تعاون دی لوڑ اتے زور دیندے دہوئے آکھیا کہ کسے وی معاشرے دی ثقافت تے اقدار نوں وادھا دین لئی فلم اک اہم ذریعہ اے، امریکہ پاکستان وچ فلم تے سینما دی صنعت دی بحالی لئی معاونت فراہم کرے گا، سینما دی بحالی نال لوکاں نوں تفریح میسر ہووے گی تے اقتصادی سرگرمیاں ودھن دے نال نال نوکریاں دے موقعے پیدا ہون گے ۔

اوہناں نے آکھیا کہ ذرائع ابلاغ نوں مجودہ نویں منتخب حکومت ولوں مثال دین دے قابل آزادی حاصل اے تے سارے ادارے آزادی اظہار تے یقین رکھدے آں۔

وزیر اطلاعات نے پاکستان فلم انڈسٹری دی 1960ء دی دہائی وچ عروج نوں یاد کردے ہوئے ایس گل اتے زور دتا کہ سینما دی ملک وچ بحالی نال نہ صرف لوکاں نوں تفریح میسر ہووے گی بلکہ ایہدے نال اقتصادی سرگرمیاں ودھن گیاں تے نوکریاں دے موقعے وی پیدا ہون گے ۔

اوہناں نے آکھیا کہ حکومت سینما اسکرینز نوں 127 توں اک ہزار تیکر ودھانا چاہندی اے جیہدے نال 20 ہزار توں ودھ نوکریاں پیدا ہون گیاں تے ایہدے نال صنعت وچ بہتری پیدا ہووے گی۔

ایس موقعے تے امریکی ناظم الامور نے حکومت پاکستان ولوں دوطرفہ تعلقات وچ بہتری دی خواہش دا خیرمقدم کیتا، پول جونز نے وزیراطلاعات دے دوطرفہ ثقافتی تعلقات دے حوالے نال وچاراں دی تعریف کیتی۔

دوجیاں خبراں

Back to Top