پاکستان نے سنسی خیز مقابلے دے بعد افغانستان نوں 3 وکٹاں توں شکست دے دتی

نيوز ڈیسک , بول نيوز

ہفتہ - 22ستمبر 2018, 06:49AM

  • 390
  • کھیڈاں
prev next

ایشیا کپ سپر فور مرحلے دے دوجےمیچ وچ  پاکستان نے 258 رنزدے ہدف دے تعاقب وچ  اک دلچسپ تے سنسنی خیز مقابلے دے بعد افغانستان نوں 3 وکٹاں توں  شکست دے دتی تے ہدف آخری اوور دی تیجی گیند تے حاصل کرلیا۔

 

شعیب ملک نے جارحانہ کھیلدے ہوئے ٹیم نوں فتح توں ہمکنارکیتا۔اینھاں نے 51رنز بنائے تے مین آف دی میچ قرار پائے۔

 

258رنز دے وڈے ہدف دے تعاقب لئی پاکستان دے فخر زمان تے امام الحق نے اننگز دا آغاز کیتا،تاہم پہلے اوور دی آخری گیند تےصفر دے مجموعی اسکور تے فخرزمان نوں مجیب الرحمٰن نے ایل بی ڈبلیو آئوٹ کر دتا،اوہ ایونٹ وچ  دوجی وار صفر تے آئوٹ ہوئےنیں۔

 

دوجی  وکٹ تے امام الحق تے بابر اعظم نے انتہائی ذمہ داری دا مظاہرہ کردے ہوئے 154 رنز دی ودھیاں  شراکت قائم کیتی تاہم دونواں بیٹسمین اوپر تلے آئوٹ ہوگئے،امام الحق 80 رنزبناکے رن آئوٹ ہوئے جدکہ بابر اعظم 66 رنز بناکر اسٹمپ ہوگئے۔

 

ایس دے بعد حارث سہیل تے شعیب ملک نے محاذ سنبھالیا مگر حارث سہیل محض 13 رنز تے پویلین لوٹ گئے۔اینھاں دے بعد کپتان سرفراز احمد بیٹنگ لئی آئے۔تاہم اوہ وی زیادہ دیر وکٹ تے نہ ٹھہر سکے  محض 8 رنز دے بعد پاکستان دی 5 ویں وکٹ ڈگ گئیاں۔

 

کپتان سرفراز احمددے بعد آصف علی کھیلن  آئے جو اک چھکا مارن دے بعد آؤٹ ہوگئے۔ 

 

پاکستان دی ساتویں  وکٹ ایس وقت گری جدوں محمد نواز 10 رنز بنانے دے بعد پویلین لوٹ گئے۔

دوجیاں خبراں

Back to Top