ڈیم فنڈز،پاک فوج عطیات دین والیاں وچ سرفہرست

نيوز ڈیسک , بول نيوز

بدھ - 19ستمبر 2018, 12:27PM

  • 493
  • قومی
prev next

 

 

سپریم کورٹ ولوں قائم ڈیم فنڈز وچ پاک فوج عطیات دین والیاں وچ سرِ فہرست نیں ، پاک فوج ولوں 58 کروڑ توں ودھ رقم جمع کرائی گئی ۔

تفصیلاں دے مطابق اسٹیٹ بینک آف پاکستان ولوں دیامر بھاشا تے مہمند ڈیماں دی تعمیر لئی قائم فنڈز وچ عطیات دین والے دس وڈے اداریاں دا اعلان کردتاگیا۔

اسٹیٹ بینک دے مطابق پاک فوج نے ڈیم فنڈز وچ 58 کروڑ توں ودھ رقم عطیہ کیتی اے ۔

دوجے نمبر اتے ہیڈکوارٹر اسٹریٹجک پلانز ڈویژن اے، جیہنے 20 کروڑ توں ودھ جمع کرائے۔

ایچ بی ایل دے تحت اسلامی چیرٹی نے 10کروڑ روپے عطیہ دتا جدکہ بحریہ ٹاؤن نے 67 لکھ تے قریشی انڈسٹری نے 50 لکھ جمع کرائے۔

یاد روے 10 ستمبر نوں پاک فوج دے سپہ سالار ولوں چیف جسٹس آف پاکستان نوں ڈیمزفنڈ لئی اک ارب 59 لاکھ 19 ہزار دا چیک پیش کیتا سی۔

سپریم کورٹ ولوں ڈیمز دی تعمیر لئی جمع ہون والی رقم توں متعلق رپورٹ جاری کردتی، جیہدے مطابق سپریم کورٹ ڈیم فنڈوچ 6 جولائی توں 19 ستمبر تیکر وکھووکھ بینکاں دے اکاؤئنٹس وچ 3ارب 73 کروڑ 74  لکھ 55 ہزار 556 روپیے جمع ہوئے۔

یاد روے کہ 6 جولائی نوں کالا باغ ڈیم دی تعمیر توں متعلق ہون والی سماعت وچ چیف جسٹس آف پاکستان نے پانی دی قلت نوں دور کرن لئی چھیتی دیامیر بھاشا تے مہمند ڈیماں دی تعمیر دے حکم تے فنڈز قائم کرن دا حکم وی جاری کیتا سی۔

دوجیاں خبراں

Back to Top