ہائوسنگ سو سائٹیز مالکاں تے نیب دا شکنجہ سخت

نيوز ڈیسک , بول نيوز

جمعرات - 27ستمبر 2018, 06:28AM

  • 504
  • قومی
prev next

 

 

نیب نے پنجاب وچ دھوکہ تےفراڈ کرن دے الزام وچ ہائوسنگ سوسائٹیز مالکاں سنے  باہرلے ملک فراربندیاں دے خلاف شکنجہ سخت کرلیا۔باہرلے ملک فراربندیاں دی گرفتاریاں لئی معاملیاں نوں ہور  تیز کرن دی وی منظوری دیدتی گئی جدکہ نیب نے کئی ہائوسنگ سوسائٹیز دے مالکاں  اونہاں دے نال  شیئر ہولڈرز دی جائیداداں تے دوجےاثاثیاں توں متعلق وی کئی اہم صوبائی تےوفاقی اداریاں تون ریکارڈ منگ لیا اے تے اونہاں دے خلاف وی تحقیقات شروع کر دتی گئیاں نیں۔

دوجے پاسے نیب نے ایڈن ہائوسنگ سوسائٹی دے مالک ڈاکٹر امجد تئ اونہاں دے خاندان دی 23 ارب روپئے مالیت دی زمین ضبط کر لئی اے جدکہ ایڈن دے مالک ڈاکٹر امجد دے پتر جیہڑا  شریک پارٹنر وی سی ، جنہاں دا ناں مرتضیٰ امجد اے اونہوں دبئی توں   گرفتار کر لیا گیااے۔ ذرائع دسدے نیں کہ ایڈن سوسائٹی دے متاثراںنے 6 ہزارتوں ودھ درخواستاں نیب وچ دے رکھیاں نیں۔

نیب نے کارروائی شروع کیتی تے موضع بھگریاں، درمرچن لاہوروچ 333 کنال زمین سی، موضع ٹماں، چھٹہ بختاوروچ 404 کنال زمین سی، ایڈن آباد ڈیفنس روڈ دی زمین وی ضبط کیتی گئی اے، ایڈن ہائوسنگ لاہوردے ناں تے 111 کمرشل پلاٹس، ایڈن ہائوسنگ لاہور وچ 111 رہائشی پلاٹس سن اوہ زمین وی ضبط کیتی گئی اے، ایڈن کینال ولاز ٹھوکر نیاز بیگ، 8 پلاٹس فریز کر دتے نیں۔ نیو ایئر پورٹ لاہورکول 2 پلاٹ 10 ،10 مرلے دے ماڈل ہائوس، 4، 4 کنال دے گھرتے وی ہور کئی اہم پراپرٹیز قبضے وچ  لئی گئیاں  نیں۔

دوجیاں خبراں

Back to Top