اوگراولوں گیس دی قیمت وچ وادھےدانوٹیفکیشن جاری

نيوز ڈیسک , بول نيوز

جمعرات - 4اکتوبر 2018, 04:01PM

  • 329
  • قومی
prev next

 

 

آئل اینڈ گیس ریگولیٹری اتھارٹی نے صارفین لئی گیس 10 فیصد توں 143 فیصد تیکر مہنگی کرن دا نوٹیفکیشن جاری کر دتا۔

اوگرا ولوں جاری نوٹیفکیشن دے مطابق بجلی بنان والے کارخانیاں لئی گیس 57 فیصد مہنگی کر دتی گئی اے جد کہ عام صنعتاں لئی گیس دی قیمتاں وچ 40 فیصد فی یونٹ وادھا کردتا گیااے۔

نوٹیفکیشن دے مطابق کھاد سیکٹر لئی بطور فیول گیس 40 فیصد فی یونٹ مہنگی کر دتی گئی اے جد کہ کھاد سیکٹر لئی گیس بطور خام مال 50 فیصد اک یونٹ مہنگی کر دتی گئی اے۔

اوگرا نے سی این جی سیکٹر لئی وی گیس 40 فیصد اک یونٹ مہنگی کر دتی اے۔

نوٹیفکیشن دے مطابق گیس دی قیمتاں وچ وادھے دا اطلاق 27 ستمبر توں ہووے گا۔

ماہانہ 200 مکعب میٹر گیس استعمال اتے اک یونٹ 20 فیصد مہنگی کیتی گئی اے جد کہ ماہانہ 300 مکعب میٹر گیس استعمال اتے اک یونٹ 25 فیصد وادھا کیتا گیا اے ۔

اوگرا نے ماہانہ 400 مکعب میٹر گیس دے استعمال تے 10 فیصد اک یونٹ وادھا کیتا اے جدکہ ماہانہ 500 مکعب میٹر تے ودھ گیس استعمال تے 143 فیصد وادھا کیتا گیا اے ۔

چیئرمین سی این جی ایسو سی ایشن غیاث پراچہ نے اوگرا ولوں گیس دی قیمت وچ وادھے نوں عوام دے نال زیادتی قرار دیندے ہوئے کہیا اے کہ حکومت اپنے فیصلے تے نظرثانی کرے۔

اوہناں دا آکھنا سی کہ نویاں گیس دیاں قیمتاں نال سی این جی دی قیمت وچ 15 روپیے فی کلو تیکر وادھا متوقع اے۔

دوجیاں خبراں

Back to Top