سپریم کورٹ،پرویزمشرف دی وطن واپسی تےجواب طلب

نيوز ڈیسک , بول نيوز

منگل - 25ستمبر 2018, 12:44PM

  • 435
  • عدالت
prev next

 

 

سپریم کورٹ وچ این آر او کیس دی سماعت دے دوران سابق صدر پرویز مشرف دی وطن واپسی لئی اک ہفتے وچ جواب منگ لیا گیا اے ۔

تفصیلاں دے مطابق کمرہ عدالت وچ چیف جسٹس ثاقب نثار دی سربراہی وچ تن رکنی بینچ نےسماعت دے دوران این آر او کیس دی سماعت کیتی۔

عدالت نے چک شہزاد وچ پرویز مشرف دا فارم ہاؤس کھولن دا حکم دیندے ہوئے وطن واپسی لئی پرویز مشرف توں اک ہفتے وچ جواب منگ لیا۔

عدالت وچ پرویز مشرف تے اوہناں دی گھروالی دے اثاثیاں توں متعلق تفصیلاں پیش کردتیاں گئیاں۔ جیہدے مطابق پاکستان دے اندر تے باہر دےملکاں وچ مجود اثاثیاں دیاں تفصیلاں شامل نیں۔

سپریم کورٹ وچ جمع کرائیاں گئیاں تفصیلاں دے مطابق پرویز مشرف دی پاکستان وچ کوئی جائیداد نئیں ، پرویز مشرف دا دبئی وچ 54 لاکھ درہم دا فلیٹ اے، چک شہزاد وچ فارم اہلیہ دے ناں اتے اے۔

ایس موقع تے چیف جسٹس نے پرویز مشرف دے وکیل توں استفسار کردے ہوئے ریمارکس دتے کہ فارم ہاؤس دی کیہ قیمت لکھی اے ، وکیل نے جواب وچ دسیا کہ فارم ہاؤس دی قیمت 4 کروڑ 36 لکھ اے ، جیہدے تے چیف جسٹس نے کہیا کیہ 4 کروڑ وچ ایہہ  فارم فروخت کرنا اے ؟ ٹھیک قیمت کیوں نئیں لکھی ؟

چیف جسٹس سپریم کورٹ نے استفسار کیتا دسو کہ جنرل صاحب پاکستان کیوں نئیں آرئے؟جدکہ پرویز مشرف دے خلاف آرٹیکل6 دا مقدمہ چل رئیا اے۔

جیہدے تے وکیل اختر شاہ دا آکھنا سی کہ پرویز مشرف نوں سیکیورٹی چاہیدی اے تے جسٹس ثاقب نثار نے آکھیا جنرل صاحب نوں فل سیکیورٹی دتی جاوے گی ۔

وکیل دا آکھنا سی کہ مشرف صاحب نوں طبی سہولتاں وی چاہیدیاں نیں ، جیہدے تے چیف جسٹس نے کہیا اے ایف آئی سی ساریاں توں چنگا ادارہ اے ، اوتھوں علاج کراواں گے ۔

عدالت  نے چک شہزاد وچ پرویز مشرف دا فارم ہاؤس کھولن دا حکم دیندے ہوئے آکھیا کہ مشرف پاکستان وچ کدھرے وی اترن سیکورٹی دتی جاوے گی ۔

چیف جسٹس ثاقب نثار نے واضح کیتا اسیں پرویز مشرف دا ناں ای سی ایل توں نئیں ہٹایا، پرویز مشرف واپسی لئی جیہڑے انتظام چاہندے نیں اوہ کرکے دیاں گے تے سپریم کورٹ اوہناں دی سیکورٹی یقینی بناوے گی، ایتھے آکے اپنا بیان قلمبند کران۔

جسٹس ثاقب نثار نے کہیا پرویز مشرف جیہڑے ایئرپورٹ تے اترن گے ، رینجرز دا دستہ استقبال کرے گا۔

بعد وچ پرویزمشرف دی واپسی دی حد تیکر سماعت اک ہفتے لئی ملتوی کردتی۔

دوجیاں خبراں

Back to Top