نوازشریف قائدنیں،اوہناں نوں فالوکردےآں،شہبازشریف

نيوز ڈیسک , بول نيوز

بدھ - 26ستمبر 2018, 12:26PM

  • 501
  • سیاست
prev next

مسلم لیگ نواز دے صدر تے قومی اسمبلی وچ قائدحزب اختلاف شہبازشریف دا آکھنا اے کہ نواز شریف ساڈے قائد نیں ، اوہناں نوں اسیں فالو کردے آں۔

پارلیمانی رپورٹرز دی ایگزیکٹیو باڈی نال گل بات کردے ہوئے شہباز شریف نے آکھیا کہ تحریک عدم اعتماد پارلیمانی اقدام اے پر ہجے ملک نوں استحکام چاہیدا اے ، پارلیمنٹ کسے نوں بنا وی سکدی اے تے ہٹا وی سکدی اے ، تحریک عدم اعتماد ایس ویلے ’’پری میچور‘‘ گل اے۔

اوہناں نے آکھیا کہ نوازشریف مسلم لیگ نواز دے قائد نیں تے رہن گے ، نواز شریف دی رہائی کسے ڈیل دا نتیجہ نئیں، من پسند احتساب ہویا تے مزاحمت کراں گے ۔

اوہناں دا آکھنا سی کہ اپوزیشن دی خواہش اے ملک لئی اک مٹھ ہو کے چلیے ، اپوزیشن وچ ونڈ ہوئی سی پر اپوزیشن بہرحال اک اے، اختلاف رائے جمہوریت دا حسن اے ، قومی ایشوز اتے سارے اک نیں۔

دوجیاں خبراں

Back to Top