العزیزیہ سٹیل ملزریفرنس:نوازشریف نوں حاضری توں استثنیٰ

نيوز ڈیسک , بول نيوز

جمعه - 28ستمبر 2018, 06:49AM

  • 315
  • عدالت
prev next

 

 

 احتساب عدالت وچ سابق وزیراعظم نوازشریف دے خلاف العزیزیہ سٹیل ملز ریفرنس دی سماعت جاری اے۔

تفصیلاں دے مطابق نوازشریف دے خلاف العزیزیہ سٹیل ملز ریفرنس دی سماعت احتساب عدالت دے جج محمد ارشد ملک کررئے نیں۔

سابق وزیراعظم نوازشریف دے وکیل ولوں عدالت وچ اک دیہاڑے لئی حاضری دی استثنیٰ دائر کیتی گئی جیہنوں عدالت نے منظور کرلیتا ۔ تفتیشی افسر محبوب عالم نے سماعت دے شروع وچ آکھیا کہ نوازشریف نوں شامل تفتیش ہون لئی سمن جاری کیتے سن ، نیب پراسیکیوٹر نے کہیا کہ طلبی دے سمن پہلے ای عدالت وچ پیش کیتے جا چکے نیں۔

خواجہ حارث نے کہیا کہ سمن ایڈیشنل ڈائریکٹر سٹاف نیب لاہور نے گھلے سن ، سمن تے جیہدے دستخط نیں اوہنوں عدالت وچ گواہ دےطور اتے پیش نئیں کیتا جاسکدا۔

 نوازشریف دے وکیل نے کہیا کہ نوٹس توں متعلق تفتیشی افسر دا بیان سنی سنائی گلاں اتے مشتمل اے ۔ تفتیشی افسر محبوب عالم نے کہیا کہ نواز شریف شامل تفتیش ہوئے ای نئیں، اوہ جاندے سن نیب عدالتی حکام دی لو وچ تفتیش کررئیا اے۔

احتساب عدالت وچ پچھلے دیہاڑے خواجہ حارث دی معاون وکیل عائشہ حامد تفتیشی افسرمحبوب عالم دے قلمبند بیان اتے اعتراض لکھوایا سی، عائشہ حامد دا آکھنا سی کہ ٹرائل کورٹ جے آئی ٹی دے مواد نوں قنون شہادت دے مطابق ویکھے گی، جے آئی ٹی دا مواد تفتیشی افسر بطور ثبوت پیش نئیں کرسکدے۔؎

یاد روے کہ 24 ستمبر نوں احتساب عدالت وچ سابق وزیراعظم دے وکیل خواجہ حارث نے نوازشریف دی 5 دیہاڑیاں دی حاضری توں استثنیٰ دی درخواست دائر کیتی سی۔

خواجہ حارث دا آکھنا سی کہ ٹرائل وچ کوئی رکاوٹ نئیں ہووے گی، اسیں ایتھے مجود آں ، نواز شریف ولوں ابراہیم ہارون نمائندے دے طور تے پیش ہون گے۔

دوجیاں خبراں

Back to Top