قومی اسمبلی وچ ہن قومی ترانہ وی پیش کیتاجاوےگا

نيوز ڈیسک , بول نيوز

بدھ - 3اکتوبر 2018, 03:11PM

  • 149
  • قومی
prev next

قومی اسمبلی وچ ہر اجلاس دی شروعات اتے قومی ترانہ سنایا جاوے گا، قومی اسمبلی نے ہر اجلاس توں پہلاں قومی ترانہ سنان دی قرارداد پاس کر دتی اے ۔

 

قومی اسمبلی نے ہر اجلاس دے شروع وچ تلاوت قرآن پاک تے نعتِ رسول دے بعد قومی ترانہ وی سنان دی قرارداد متفقہ طور اتے منظور کر لئی گئی اے ۔

قومی اسمبلی وچ اجلاس توں پہلاں قومی ترانہ سنان دی تحریک وزیرِ مملکت برائے داخلہ شہریار آفریدی ولوں پیش کیتی گئی ۔

وزیرِ مملکت شہریار آفریدی دی پیش کردہ قرارداد نوں قومی اسمبلی دے حکومتی تے اپوزیشن ارکان ولوں متفقہ طور اتے پاس کیتا گیا اے ۔

قرارداد دی منظوری تے پارلیمانی امور دے وزیر علی محمد خان نے اپوزیشن جماعتاں دا شکریہ ادا کیتا تے آکھیا کہ قومی اسمبلی وچ قومی ترانہ سنان دی تحریک تے اپوزیشن دی رضامندی تے شکر گزار آں۔

ایس موقعے تے اپوزیشن لیڈر شہباز شریف نے کہیا کہ پاکستان مسلم لیگ نواز ایس حکومتی اقدام دی مکمل طور تے حمایت کردی اے، ایہہ اک چنگا قدم اے ، اسیں حمایت کردے آں۔

دوجیاں خبراں

Back to Top