آسٹریلیادےخلاف ٹیسٹ سیریزلئی پرفیسردبئی طلب

نيوز ڈیسک , بول نيوز

پیر - 1اکتوبر 2018, 11:41AM

  • 499
  • کھیڈاں
prev next

پاکستان کرکٹ بورڈ (پی سی بی ) نے آسٹریلیا دے خلاف دو ٹیسٹ میچز دی سیریز لئی تجربہ کار آل راؤنڈر محمد حفیظ نون دبئی سد لیا اے ۔

تفصیلاں دے مطابق محمد حفیظ پہلی دستیاب فلائیٹ توں دبئی روانہ ہون گے جتھے اوہ آسٹریلیا دے خلاف دو ٹیسٹ میچز دی سیریز کھیڈن گے ۔

محمد حفیظ نے اخیرلا ٹیسٹ میچ اگست 2016 وچ انگلینڈ دے خلاف برمنگھم وچ کھیڈیا سی تانجے اوہدے بعد قومی ون ڈے تے ٹی ٹوئنٹی اسکواڈ وچ ان ،آؤٹ ہوندے رئے۔

اوہناں نے اخیرلا اک روزہ میچ جنوری 2018 وچ نیوزی لینڈ دے خلاف کھیڈیا سی ، اوہدے بعد اوہناں نوں ایس ورھے زمبابوے لئی ٹیم وچ شامل کیتا گیا پر 2 ٹی ٹوئنٹی میچز وچ ناکامی دے بعد اوہناں نوں ون ڈے وچ پلیئنگ الیون وچ تھاں نئیں ملی ۔ ایشیا کپ وچ وی اوہناں نوں سکواڈ وچ شامل ای نئیں کیتا گیا  ۔

پاکستان ٹیم توں ڈراپ ہون دے بعد محمد حفیظ نے قائد اعظم ٹرافی کھیڈی تے اپنی پرفارمنس توں ساریاں نوں متاثر کیتا۔

آسٹریلیا دے خلاف ٹیسٹ ٹیم دے 17 رکنی سکواڈ وچ وی محمد حفیظ نوں شامل نئیں کیتا گیا سی تانجے یو اے ای دی کنڈیشنز وچ ورھیا کھیلن دی صلاحیت تے سپن بولنگ دی وادھو خوبی دی وجہ توں اوہناں نوں 18ویں پلیئر دے طور تے سکواڈ وچ شامل کیتا گیا اے۔

دوجیاں خبراں

Back to Top