ہائیکورٹ:ہاؤسنگ سوسائٹیزنوں قنونی حیثیت دین داحکم

نيوز ڈیسک , بول نيوز

ہفتہ - 29ستمبر 2018, 12:14PM

  • 32
  • عدالت
prev next

لاہور ہائیکورٹ نے ساریاں ہاؤسنگ سوسائٹیز نوں ایل ڈی اے وچ رجسٹر کرن دا حکم دے دتا اے ، عدالت نے قرار دتا اے کہ ہاؤسنگ سوسائٹیز نوں مسمار کرن دی بجائے اوہناں نوں قنونی حیثیت دتی جاوے۔

لاہور ہائی کورٹ وچ جسٹس علی اکبر قریشی نے کیس دی سماعت کیتی، عدالت نے حکم وچ آکھیا کہ ایل ڈی اے ولوں پنجاب بھر دی غیرقنونی قرار دتی گئی ہاؤسنگ سوسائٹیز نوں اک مہینے وچ لیگل کیتا جاوے۔

درخواست گزار نے مؤقف اختیار کیتا کہ ایل ڈی اے نے کئی ہاؤسنگ سوسائٹیز نوں غیرقنونی قرار دے کے اوہناں توں بنیادی سہولتاں کھو لیتیاں نیں۔ ایل ڈی اے جے ویلے اتے ایکشن لیندا تے غیرقنونی ہاؤسنگ سوسائٹیز بن ای نئیں سکدیاں سی۔

جسٹس علی اکبر قریشی نے قرار دتا کہ ہاؤسنگ سوسائٹیز نوں توڑن دی بجائے اوہناں نوں قنونی حیثیت دتی جاوے، چیف سیکرٹری پنجاب ساریاں ہاؤسنگ سوسائٹیز نوں لیگل کرن لئی اعلیٰ سطح کمیٹی تشکیل دین۔

چیف سیکرٹری نے یقین دہائی کرائی کہ عدالتی حکم تے من وعن عمل ہووے گا جدکہ ڈی جی ایل ڈی اے نے کہیا کہ ہاؤسنگ سوسائٹیز دے مالکاں نال رل کے قوائد تے ضوابط بنا لیندے آں۔

عدالت نے ہر ہفتے عمل درآمد رپورٹ طلب کردتے ہوئے سماعت ملتوی کردتی۔

دوجیاں خبراں

Back to Top