شہبازشریف نال خورشیدشاہ دی ملاقات

نيوز ڈیسک , بول نيوز

منگل - 25ستمبر 2018, 02:14PM

  • 466
  • سیاست
prev next

مسلم لیگ نواز دے صدر تے قومی اسمبلی وچ قائد حزب اختلاف شہباز شریف تے پیپلزپارٹی دے سینئر رہنما خورشید شاہ وچ اہم ملاقات ہوئی اے ۔

دوناں رہنماواں وچ ہون والی ملاقات وچ سیاسی صورت حال اتے وچاروٹاندرا کیتا گیا۔

ملاقات دے بعد خورشید شاہ نے میڈیا نال گل بات کردے ہوئے آکھیا کہ شہباز شریف دے نال بجٹ تے الیکشن دی پن چھان لئی بنائی گئی کمیٹی اتے گل بات کیتی اے۔

اوہناں دا آکھنا سی کہ ملاقات وچ دھاندلی توں متعلق کمیٹی لئی ناواں اتے مشاورت ہوئی تے فیصلہ کیتا گای کہ تجربہ کار بندیاں نوں کمیٹی لئی نامزد کیتا جاوے گا۔

خورشیدشاہ دا آکھنا سی کہ حکومت نے کل انتخابی دھاندلی کمیٹی توں متعلق اجلاس سدیا اے ، وزیراعظم نے اجلاس وچ رلت دا وعدہ کیتا اے اوہناں نوں اجلاس وچ آنا چاہیدا اے ۔

اوہناں دا ہور آکھنا سی کہ پبلک اکاؤنٹس کمیٹی دے چیئرمین اپوزیشن لیڈر ہون گے، ضمنی انتخابات توں متعلق وی اپوزیشن لیڈر نال گل بات ہوئی اے ، سیاسی حکمت عملی دے تحت اپوزیشن دا مل بیھنا فائدہ مند ہوندا اے۔

دوجیاں خبراں

Back to Top